ទីក្រុងហ្សឺណែវ ៖ ប្រទេសចិនបានចាប់ផ្តើមដំណើរការផ្លូវច្បាប់ដើម្បីឲ្យអង្គការពាណិជ្ជកម្មពិភពលោក (WTO) សម្រេចលើឧបសគ្គរបស់ប្រទេសចិនដែលកំពុងជួបពន្ធអាមេរិកលើផលិតផល២៣៤ប៊ីលានដុល្លាររបស់ខ្លួន ។ នេះយោងតាមសារព័ត៌មាន Rueters កាលពីថ្ងៃទី២៨ កន្លងមក…
ទីក្រុងហ្សឺណែវ ៖ ប្រទេសចិនបានចាប់ផ្តើមដំណើរការផ្លូវច្បាប់ដើម្បីឲ្យអង្គការពាណិជ្ជកម្មពិភពលោក (WTO) សម្រេចលើឧបសគ្គរបស់ប្រទេសចិនដែលកំពុងជួបពន្ធអាមេរិកលើផលិតផល២៣៤ប៊ីលានដុល្លាររបស់ខ្លួន ។ នេះយោងតាមសារព័ត៌មាន Rueters កាលពីថ្ងៃទី២៨ កន្លងមក ។
អ្នកការទូតពាណិជ្ជកម្មរបស់ប្រទេសចិនម្នាក់បាននិយាយក្នុងកិច្ចប្រជុWTO មួយថា ប្រទេសចិនចង់បានគណៈអ្នកជំនាញដើម្បីសម្រេចលើបណ្តឹងដែលបានចាប់ផ្តើមតាំងកាលពីខែមេសាឆ្នាំមុន ។ បណ្តឹងនេះមានគោលបំណងបញ្ឈប់អាមេរិកមិនឲ្យដាក់ពន្ធលើផលិតផលនាំចូលពីប្រទេសចិន ខណៈដែលមានសង្គ្រាមពាណិជ្ជកម្ម។
អ្នកតំណាងប្រទេសចិនបាននិយាយថា វាគឺជាការល្មើសទៅនឹងកាតព្វកិច្ចរបស់សហរដ្ឋអាមេរិកក្រោមកិច្ចព្រមព្រៀងរបស់WTO និងវាបង្កជាឧបសគ្គលក្ខណៈជាប្រព័ន្ធដល់ប្រព័ន្ធពាណិជ្ជកម្មពហុភាគីផងដែរ។
គួរបញ្ជាក់ដែរថា សហរដ្ឋអាមេរិកបានចាប់ផ្តើមដាក់ពន្ធ២៥%បន្ថែមលើផលិតផលចិនប្រមាណ៣៤ប៊ីលានដុល្លារចាប់ពីថ្ងៃទី៦ខែកក្កដាឆ្នាំ២០១៨មក ហើយបានដាក់ពន្ធ១០%លើផលិតផលចិនប្រមាណ២០០ប៊ីលានដុល្លារទៀតចាប់ពីថ្ងៃទី ២៤ខែកញ្ញាមក ។ ប្រទេសចិនបានឆ្លើយតបវិញដោយដាក់ពន្ធលើផលិតផលអាមេរិកដែរ ។
មន្ត្រីតំណាងអាមេរិកបាននិយាយថា ប្រទេសចិនបានប្រើប្រព័ន្ធWTOជារបាំងការពារគោលនយោបាយពាណិជ្ជកម្មអយុត្តិធម៌របស់ខ្លួនដែលរួមមានការបង្ខំឲ្យមានការផ្ទេរបច្ចេកវិទ្យាជាដើម ។ ប៉ុន្តែបណ្តឹងរបស់ប្រទេសចិននេះអាចក្លាយទៅជាបណ្តឹងដែលពិបាកក្នុងការដោះស្រាយព្រោះសហរដ្ឋអាមេរិកបានបញ្ឈប់ការជ្រើសតាំងចៅក្រមស្តាប់បណ្តឹងឧទ្ធរណ៍ ។ សហរដ្ឋអាមេរិកបាននិយាយថា ចៅក្រមបានល្មើសនឹងដំណើរការរបស់ WTO ម្តងហើយម្តងទៀត។
ភ្នាក់ងារបណ្តឹងឧទ្ធរណ៍របស់WTO មានចៅក្រមសល់តែ៣រូបប៉ុណ្ណោះ ប៉ុន្តែចៅក្រមពីររូបនឹងចុះចេញពីតំណែងនៅខែធ្នូខាងមុខនេះ ហើយវិធាន WTOតម្រូវឲ្យមានចៅក្រមបីរូប ទើបអាចស្តាប់បណ្តឹងឧទ្ធរណ៍បាន ៕
ចែករំលែកព័តមាននេះ