ខេត្តបន្ទាយមានជ័យ ៖ គ្រួសារពលរដ្ឋរងគ្រោះដោយអគ្គិភ័យឆេះផ្ទះនៅឃុំចង្ហារ បានទទួលអំណោយបន្តបន្ទាប់កាលពីថ្ងៃទី២៩ ខែមករា ឆ្នាំ២០១៩ ។ លោក លី សុវណ្ណារិទ្ធ…
ខេត្តបន្ទាយមានជ័យ ៖ គ្រួសារពលរដ្ឋរងគ្រោះដោយអគ្គិភ័យឆេះផ្ទះនៅឃុំចង្ហារ បានទទួលអំណោយបន្តបន្ទាប់កាលពីថ្ងៃទី២៩ ខែមករា ឆ្នាំ២០១៩ ។
លោក លី សុវណ្ណារិទ្ធ អភិបាលស្រុកអូរជ្រៅ រួមជាមួយលោកអភិបាលរងស្រុក លោក ជា ពិសីមេបញ្ជាការកងរាជអាវុធហត្ថស្រុក និងជាប្រធានក្រុមការងារចុះជួយឃុំចង្ហារ បានដឹកនាំក្រុមការងារស្រុក ឃុំ និងអនុសាខាកាកបាទក្រហមស្រុកអូរជ្រៅ នាំយកអំណោយ និងថវិកា ចុះសួរសុខទុក្ខប្រជាពលរដ្ឋ២គ្រួសារ ដែលរងគ្រោះដោយសារភ្លើងឆេះផ្ទះ ស្ថិតនៅភូមិឈូក ឃុំចង្ហា ស្រុកអូរជ្រៅ។
ចំណែកលោក ស្រេង សុផល អនុប្រធានទី១ សហភាពសហព័ន្ធយុវជនកម្ពុជាខេត្ត និងលោក ទូច សីហា អភិបាលរងស្រុកអូរជ្រៅ ជាប្រធានយុវជនស្រុក បានដឹកនាំក្រុមការងារយុវជន ចូលសុខទុក្ខលោកឪពុករបស់មន្ត្រីព័ត៌មានម្នាក់ ដែលមានជម្ងឺសម្រាកថែទាំ ព្យាបាលនៅឃុំចង្ហា ក្នុងបេសកកម្មការងារមនុស្សធម៌នាំយកអំណោយ និងថវិកា របស់លោក សួន បវរ អភិបាលខេត្តបន្ទាយមានជ័យ និងលោកស្រីចុះទៅសួរសុខទុក្ខប្រជាពលរដ្ឋ២គ្រួសារ ដែលរងគ្រោះដោយសារភ្លើងឆេះផ្ទះ ស្ថិតនៅភូមិឈូក ឃុំចង្ហា ស្រុកអូរជ្រៅ ។
សូមរំលឹកថា យោងលោកវរសេនីយ៍សែស វិបុល អធិការនគរបាលស្រុកអូរជ្រៅអោយដឹងថា ផ្ទះមួយខ្នងដែលត្រូវអគ្គិភ័យឆាបឆេះមានបណ្តោយ១០ម៉ែត្រ ទទឹង៨ម៉ែត្រ ដំបូលប្រក់ស័ង្កសី ជញ្ជាំងឈើ មានម្ចាស់ផ្ទះឈ្មោះ ពត ឃួន ភេទប្រុស អាយុ៥៩ ឆ្នាំ ។ មូលហេតុនៃការឆេះផ្ទះនេះគឺមកពីទុស្សេខ្សែភ្លើង បណ្តាលឲ្យអគ្គីភ័យឆាឆេះសំភារៈ និងទ្រព្យសម្បត្តិមួយចំនួនទាំងស្រុង ៕
ចែករំលែកព័តមាននេះ