ខេត្តតាកែវ ៖ ជុំវិញករណីប្រជាពលរដ្ឋនៅស្រុកអង្គរបុរី តវ៉ារឿងតម្លៃបូមទឹកដាក់ស្រែថ្លៃកំពុងក្លាយទៅជារឿងក្តៅ ខណៈរដ្ឋបាលស្រុកអង្គរបុរីបានចេញលិខិតបំភ្លឺមួយរបៀបលាងខ្លួន ហើយបែរជាងាកមកចោទក្រុមអ្នកសារព័ត៌មានថា ផ្សាយព័ត៌មានរឿងតវ៉ារបស់បងប្អូនប្រជាពលរដ្ឋនៅឃុំព្រៃផ្គាំជាង៤០០គ្រួសារ ប្តឹងរឿងតម្លៃទឹកបូមដាក់ស្រែរបស់ក្រុមហ៊ុនផ្គត់ផ្គង់ទឹកស្ថានីយឃុំព្រៃផ្គាំ របស់លោក ឈុន…
ខេត្តតាកែវ ៖ ជុំវិញករណីប្រជាពលរដ្ឋនៅស្រុកអង្គរបុរី តវ៉ារឿងតម្លៃបូមទឹកដាក់ស្រែថ្លៃកំពុងក្លាយទៅជារឿងក្តៅ ខណៈរដ្ឋបាលស្រុកអង្គរបុរីបានចេញលិខិតបំភ្លឺមួយរបៀបលាងខ្លួន ហើយបែរជាងាក
មកចោទក្រុមអ្នកសារព័ត៌មានថា ផ្សាយព័ត៌មានរឿងតវ៉ារបស់បងប្អូនប្រជាពលរដ្ឋនៅឃុំព្រៃផ្គាំជាង៤០០គ្រួសារ ប្តឹងរឿងតម្លៃទឹកបូមដាក់ស្រែរបស់ក្រុមហ៊ុនផ្គត់ផ្គង់ទឹកស្ថានីយឃុំព្រៃផ្គាំ របស់លោក ឈុន សារិន ហៅប៉ោង កាលពីថ្ងៃទី២៦ ខែមករាកន្លងទៅនេះ ជាការផ្សាយព័ត៌មានបំភ្លៃនិងបំប៉ោងព័ត៌
មាន ។
ចំពោះករណីខាងលើ រដ្ឋបាលស្រុកអង្គរបុរី និងអាជ្ញាធរឃុំឆ្លើយថាមិនបានដឹងរឿងនេះទេ ក្នុងពេលដែលប្រជាពលរដ្ឋប្រុសស្រីរាប់រយនាក់ទៅឈររហង់នៅមាត់ជណ្តើរសាលាឃុំ ស្រែករកអាជ្ញាធរឱ្យជួយដោះស្រាយ ។
ទង្វើនេះ ដូចទៅនឹងពាក្យរបស់ថ្នាក់ដឹកនាំដែលធ្លាប់និយាយថា កុំធ្វើជាមន្ត្រីជើង១០ ដែលអង្គុយតែក្នុង
ប៊ុយរ៉ូចាំស្តាប់តែរបាយការណ៍ទទួលយកផលប្រយោជន៍ មិនគិតគូរពីទុក្ខលំបាករបស់ប្រជារាស្ត្រ ដែលអាចនិយាយបានថាជាមន្ត្រីអសកម្ម ខ្វះទំនាក់ទំនងផ្ទាល់ជាមួយនឹងប្រជាពលរដ្ឋ ។
សូមបញ្ជាក់ថា ការឡាយ(live)វីដេអូផ្ទាល់អំពីសកម្មភាពនិងការសម្ភាសន៍ពលរដ្ឋនៅពេលនោះ ក្នុងបណ្តាញសង្គមហ្វេសបុ៊កបាននិយាយអំពីទុក្ខលំបាករបស់ពួកគាត់ឲ្យមហាជននិងអាជ្ញាធរគ្រប់លំដាប់ថ្នាក់បានដឹងពីរឿងពិតនោះ តែបែរជាមន្ត្រីរដ្ឋបាលស្រុកអង្គរបុរីថា ការផ្សាយព័ត៌មាននេះមិនពិត ហើយជាព័ត៌មានបំប៉ោងទៅវិញ ។
អាជ្ញាធរស្រុកអង្គរបុរី គួរណាស់តែចុះមកផ្ទាល់ ដើម្បីរកដំណោះស្រាយជូនពលរដ្ឋ មិនមែនស្តាប់តែរបាយការណ៍ហើយចោទប្រកាន់មកលើអ្នកសារព័ត៌មាននោះទេ ៕
ចែករំលែកព័តមាននេះ