ខេត្តមណ្ឌលគិរី ៖ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរីបានឱ្យកោះសន្តិភាពដឹងថា គិតត្រឹមព្រឹកថ្ងៃទី៣០ មករា នេះ ជនដៃដល់ដែលបានលបបាញ់ប្រហារទៅលើក្រុមមន្ត្រីឧទ្យានុរក្សនៅស្រុកកោះញែក…
ខេត្តមណ្ឌលគិរី ៖ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរីបានឱ្យកោះសន្តិភាពដឹងថា គិតត្រឹមព្រឹកថ្ងៃទី៣០ មករា នេះ ជនដៃដល់ដែលបានលបបាញ់ប្រហារទៅលើក្រុមមន្ត្រីឧទ្យានុរក្សនៅស្រុកកោះញែក គឺនៅមិនទាន់មានតម្រុយណាមួយនៅឡើយ ។ ប៉ុន្តែទោះបីជាយ៉ាងណា កម្លាំងសមត្ថកិច្ចនឹងរកគ្រប់មធ្យោបាយ ដើម្បីស៊ើបអង្កេតបំបែកសំណុំរឿងនេះ ។
គួររំលឹកថា ជនរងគ្រោះដោយសារត្រូវគ្រាប់កាំភ្លើងរបស់ព្រានព្រៃ គឺមានឈ្មោះ ចេង ចន្ធី ជាមន្ត្រីឧទ្យានុរក្សនៃមន្ទីរបរិស្ថានខេត្ត បានរបួសចំគូទខាងស្តាំ ក្រោយពីរងការបាញ់ប្រហាររបស់ខ្មាន់កាំភ្លើង ដែលមិនស្គាល់មុខ នៅចំណុចអូរល្វែ ភូមិជីមៀត ឃុំណងឃណឹង ស្រុកកោះញែក កាលពីវេលាទៀបភ្លឺថ្ងៃទី២៩ មករា ។
គួររំលឹកទៀតថា «កាលពីមួយឆ្នាំមុន ពោលគឺថ្ងៃទី៣០ មករា ឆ្នាំ២០១៨ ក៏មានករណីស្រដៀងគ្នានេះកើតឡើងលើមន្ត្រីឧទ្យានុក្សប្រចាំនៅស្រុកអូររាំង បណ្តាលឲ្យមានមនុស្សបីនាក់ស្លាប់ភ្លាមៗនៅកន្លែងកើតហេតុ រួមមាន មន្ត្រីបរិស្ថានម្នាក់ មន្ត្រីអាវុធហត្ថលើផ្ទៃប្រទេសម្នាក់ នឹងអ្នកនាំផ្លូវព្រៃម្នាក់។ហើយជនដៃដល់ នឹងបក្ខពួក ត្រូវបានកំណត់មុខសញ្ញានឹងឃាត់ខ្លួនបានជាបន្តបន្ទាប់ ដែលពួកគេសុទ្ឋសឹងជាមន្ត្រីយោធា នឹងនគរបាលការពារព្រំដែន មានចំនួន៦នាក់ (មេប៉ុស្តិ៍ព្រំដែនអូរលែឈ្មោះ ផល ពេញ ជាអ្នកបាញ់)។
បើតាមប្រភពពីមន្ត្រីសាលាដំបូងខេត្តមណ្ឌលគិរី «ករណីខាងលើបានបើកសវនាការហើយ នៅតែថ្ងៃប្រកាសសាលក្រមទេ។ពេលប្រកាសរួចទើបដឹង»។ គួររំលឹកថា ៖ ចង់ដឹងម្ចាស់អង្រឹងដែលមកបោះជំរំក្នុងព្រៃជានរណា…ក៏បាញ់គ្នាប្រាវ
ចែករំលែកព័តមាននេះ