ប្រទេសថៃ ៖ ភ្នាក់ងារសារព័ត៌មាន Bangkok Post បានឲ្យដឹងកាលពីថ្ងៃទី២៣ មករា កន្លងមកថា ប្រទេសថៃអាចរក្សាតំណែងជាប្រទេសដែលមានប្រជាប្រិយភាពរបស់អតិថិជនចិនដែលចង់ទិញអចលនទ្រព្យក្នុងឆ្នាំ២០១៩ នេះ…
ប្រទេសថៃ ៖ ភ្នាក់ងារសារព័ត៌មាន Bangkok Post បានឲ្យដឹងកាលពីថ្ងៃទី២៣ មករា កន្លងមកថា ប្រទេសថៃអាចរក្សាតំណែងជាប្រទេសដែលមានប្រជាប្រិយភាពរបស់អតិថិជនចិនដែលចង់ទិញអចលនទ្រព្យក្នុងឆ្នាំ២០១៩ នេះ ។
អ្នកស្រី Carrie Law ដែលជានាយកប្រតិបត្តិ និងប្រធានរបស់គេហទំព័រអចលនទ្រព្យអន្តរជាតិ Juwai.com បាននិយាយថាការសាកសួរពីអចលនទ្រព្យថៃបានកើនដល់កម្រិតខ្ពស់ជាងគេ ។
អ្នកស្រីបាននិយាយថា «វាឆ្លុះបង្ហាញពីកញ្ចប់ល្អៗរបស់ក្រុមហ៊ុនអចលនទ្រព្យ ផ្គួបផ្សំជាមួយនឹងគុណភាព ការរស់នៅ និងទស្សនៈវិស័យវិនិយោគល្អផងដែរ ។ ហើយវាក៏ជាលទ្ធផលនៃកត្តាផ្សេងៗដែលទាក់ទាញឲ្យអតិថិជនចិនស្វែងរកអចលនទ្រព្យនៅបរទេសដែលមានតម្លៃប្រហាក់ប្រហែលនឹងតម្លៃក្នុងប្រទេសថៃ ជាពិសេសខណៈដែលប្រទេសចិនរឹតបន្តឹងការគ្រប់គ្រងលំហូរមូលធន និងកង្វះឱកាសវិនិយោគក្នុងប្រទេសចិនជាដើម»។
អ្នកស្រីបានឲ្យដឹងទៀតថា ការអភិវឌ្ឍន៍ហេដ្ឋារចនាសម្ព័ន្ធជាបន្តបន្ទាប់ក្នុងប្រទេសថៃផ្តល់ជំនឿចិត្តដល់អតិថិជនចិនលើសក្តានុពលសេដ្ឋកិច្ចរយៈពេលវែងរបស់ប្រទេសថៃផងដែរ ខណៈដែលភាពតានតឹងផ្នែកពាណិជ្ជកម្មរវាងសហរដ្ឋអាមេរិកនិងប្រទេសចិនគឺជាកត្តាជំរុញមួយដែលធ្វើឲ្យអតិថិជនចិនងាកចេញពីសហរដ្ឋអាមេរិកមកកាន់ប្រទេសថៃ ។
ឆ្នាំមុនជាឆ្នាំដំបូងដែលប្រទេសថៃទទួលបានការសាកសួរច្រើនជាងគេលើគហេទំព័រ Juwai.com ។ ប្រទេសថៃបានលោតពីចំណាត់ថ្នាក់លេខ៦នៅឆ្នាំ ២០១៦ មកចំណាត់ថ្នាក់លេខ ៣ នៅឆ្នាំ ២០១៧ និងបានមកគ្រប់គ្រងចំណាត់ថ្នាក់លេខមួយកាលពីឆ្នាំមុន ។
បើគិតចំនួនវិនិយោគវិញ ប្រទេសថៃជាប់ចំណាត់ថ្នាក់លេខបួនដែលទទយលបានការវិនិយោគប្រមាណ ៧៣.២ប៊ីលានដុល្លារ បន្ទាប់ពីសហរដ្ឋអាមេរិក ហុងកុង និងអូស្ត្រាលី ។
ទីតាំងដែលទទួលបានការសាកសួរច្រើនជាងគេក្នុងប្រទេសថៃរួមមានទីក្រុងបាងកក, Pattaya, Chiang Mai, Phuket, Sattahip និង Samui ៕
ចែករំលែកព័តមាននេះ