ខេត្តព្រៃវែង ៖ ផ្ទះក្បឿងមួយខ្នងសង់ពីឈើប្រក់ក្បឿង ជញ្ជាំងស្លឹកមានទំហំ៧ម៉ែត្រគុណនឹង៨ម៉ែត្រ ត្រូវភ្លើងឆេះអស់ទាំងស្រុង ដោយសារតែការធ្វេសប្រហែសរបស់ម្ចាស់ផ្ទះ។ ហេតុការណ៍នេះ បានកើតឡើងកាលពីវេលាម៉ោង១០និង៥០នាទីព្រឹកថ្ងៃទី២៨ មករា នៅចំណុចភូមិព្រៃចំការត្បូង ឃុំស្វាយជ្រំ ស្រុកមេសាង ខេត្តព្រៃវែង ។
ម្ចាស់ផ្ទះកើតហេតុខាងលើឈ្មោះ នាង នាទ ភេទប្រុស សអាយុ៤៩ឆ្នាំ និងប្រពន្ធឈ្មោះ ប៊ឹម ឡៃ អាយុ៣៤ឆ្នាំ។
សមត្ថកិច្ចបានអោយដឹងថា អគ្គីភ័យនេះមិនបានបណ្តាលអោយមានគ្រោះថ្នាក់ដល់មនុស្ស ឬសត្វនោះទេ ដោយគ្រាន់តែធ្វើអោយខូចខាតទ្រព្យសម្បត្តិមួយចំនួន រួមមាន មាស២តម្លឹងកន្លះ លុយចំនួន២លាន១សែនរៀល និងស្រូវ៣តោន។
ចំណែកមូលហេតុដែលបណ្តាលអោយកើតមានអគ្គីភ័យឆាបឆេះផ្ទះនេះឡើង គឺមកពីកូនស្រីម្ចាស់ផ្ទះបង្កាត់ភ្លើងធ្វើម្ហូបនៅផ្ទះបាយខាងក្រោយ ( លើផ្ទះ ) ហើយពេលធ្វើម្ហូបរួចក៏ដើរចោល ដោយមិនបានពន្លត់ភ្លើង ទើបធ្វើអោយរងើកភ្លើងឆេះរាលកើតទៅជាអគ្គីភ័យឆេះផ្ទះតែម្តង ៕
ចែករំលែកព័តមាននេះ