ខេត្តមណ្ឌលគិរី ៖ សេចក្តីរាយការណ៍បឋមបានឲ្យដឹងថា បុរសមន្ត្រីឧទ្យានុរក្សម្នាក់បានរងរបួសធ្ងន់ធ្ងរ ក្រោយបានខ្មាន់កាំភ្លើង (មិនស្គាល់មុខ) បានលបបាញ់ប្រហារកាលពីព្រឹកថ្ងៃទី២៩ មករា ២០១៩ ស្ថិតនៅតំបន់ការពារសត្វព្រៃស្រែពក…
ខេត្តមណ្ឌលគិរី ៖ សេចក្តីរាយការណ៍បឋមបានឲ្យដឹងថា បុរសមន្ត្រីឧទ្យានុរក្សម្នាក់បានរងរបួសធ្ងន់ធ្ងរ ក្រោយបានខ្មាន់កាំភ្លើង (មិនស្គាល់មុខ) បានលបបាញ់ប្រហារកាលពីព្រឹកថ្ងៃទី២៩ មករា ២០១៩ ស្ថិត
នៅតំបន់ការពារសត្វព្រៃស្រែពក ចំនុចត្រពាំងកកោះ ក្នុងភូមិជីមៀត ឃុំណងឃីណឹង ស្រុកកោះញែក ខេត្តមណ្ឌលគិរី។
យោងតាមប្រភពក្រៅផ្លូវការបានឱ្យដឹងថា ក្រុមមន្ត្រីឧទ្យានុរក្សប្រចាំនៅតំបន់ខាងលើ បានចុះល្បាតតាមគោលដៅប្រចាំការ ស្រាប់តែជូបប្រទះជាមួយក្រុមឆ្លុះសត្វព្រៃដែលកំពុងធ្វើសកម្មភាពប្រមាញ់សត្វ ក៏ផ្ទុះអាវុធទៅវិញទៅមកគ្នាតែម្តង ។ ប្រភពថា ខណៈស្ថានភាពកាន់តែឡើងកម្តៅ គ្រាប់កាំភ្លើងបានហោះត្រូវមន្ត្រីបរិស្ថានម្នាក់ បណ្តាលឱ្យដេកដួលភ្លាមៗក្នុងថ្លុកឈាម។
គិតត្រឹមវេលាម៉ោង២ និង៣០នាទីរសៀលថ្ងៃទី២៩ មករា ដដែល គេនៅមិនទាន់ស្គាល់ពីអត្តសញ្ញាណជនរងគ្រោះ ក្នុងអំពើបាញ់ប្រហារខាងលើនៅឡើង ។ បើទោះបីភ្នាក់ងារកោះសន្តិភាព បានព្យាយាមសុំការបំភ្លឺពីលោក កែវ សុភគ៌ ប្រធានមន្ទីរបរិស្ថានខេត្តក្តី ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ