ការរកឃើញដ៏គួរឱ្យភ្ញាក់ផ្អើលរបស់ក្រុមអ្នកស្រាវជ្រាវសាកលវិទ្យាល័យ Imperial College London ចក្រភពអង់គ្លេសបានបង្ហាញថា បណ្តាអ្នកជំងឺដែលចូលចិត្តជ្រើសយកពេលវេលាវះកាត់ចំថ្ងៃចុងសប្តាហ៍(សៅរ៍-អាទិត្យ) ជួបអត្រាគ្រោះថ្នាក់ស្លា.ប់បាត់បង់ជីវិតដល់៨២ ភាគរយ ប្រៀបធៀបទៅនឹងបណ្តាអ្នកជំងឺដែលជ្រើសយកពេលវះកាត់ចំថ្ងៃផ្សេងក្នុងសប្តាហ៍ ។
ការរកឃើញដ៏គួរឱ្យភ្ញាក់ផ្អើលរបស់ក្រុមអ្នកស្រាវជ្រាវសាកលវិទ្យាល័យ Imperial College London ចក្រភពអង់គ្លេសបានបង្ហាញថា បណ្តាអ្នកជំងឺដែលចូលចិត្តជ្រើសយកពេលវេលាវះកាត់ចំថ្ងៃចុងសប្តាហ៍(សៅរ៍-អាទិត្យ) ជួបអត្រាគ្រោះថ្នាក់ស្លាប់បាត់បង់ជីវិតដល់៨២ ភាគរយ ប្រៀបធៀបទៅនឹងបណ្តាអ្នកជំងឺដែលជ្រើសយកពេលវះកាត់ចំថ្ងៃផ្សេងក្នុងសប្តាហ៍ ។
ការសិក្សាដែលបានតាមដានមើលការវះកាត់៤លានលើកក្នុងមន្ទីរពេទ្យប្រទេសអង់គ្លេសចន្លោះពីឆ្នាំ២០០៨ ដល់ឆ្នាំ២០១១អះអាងថា ថ្ងៃចន្ទគឺជាថ្ងៃល្អជាងគេដែលការវះកាត់តែងទទួលជោគជ័យ ខណៈថ្ងៃអង្គារអត្រាប្រឈមមានទាបបំផុត ។ ចំណែកថ្ងៃពុធអត្រាប្រឈមឡើងដល់១៥% ខណៈថ្ងៃព្រហស្បតិ៍មាន២១% ។ ដោយឡែកអ្នកជំងឺជ្រើសរើសយកការវះកាត់ចំថ្ងៃសុក្រជួបឱកាសបាត់បង់ជីវិត៤៤%។
ការសិក្សាដែលបានចុះផ្សាយក្នុងព្រឹត្តិប័ត្រអនឡាញ bmj.com បានឱ្យដឹងថា ក្នុងចំណោមអ្នកជំងឺដែលត្រូវវះកាត់២០នាក់ គឺមានម្នាក់ដែលសម្រេចជ្រើសយកថ្ងៃចុងសប្តាហ៍ ហើយនោះក៏ជាពេលដែលអត្រាប្រឈមនឹងសេចក្តីស្លាប់របស់គេឡើងដល់៨២% ។
វេជ្ជបណ្ឌិត Paul Aylin ដែលជាអ្នកដឹកនាំការស្រាវជ្រាវបានថ្លែងថា «៤៨ម៉ោងដំបូងបន្ទាប់ពីការវះកាត់រួចគឺជាពេលវេលាដែលអ្នកជំងឺត្រូវទទួលបានការតាមដាន និងថែទាំយ៉ាងយកចិត្តទុកដាក់បំផុត ។ ការបរាជ័យក្នុងការជួយសង្គ្រោះអ្នកជំងឺនៅចុងសប្តាហ៍អាចយោងទៅលើបញ្ហាដូចជាកាត់បន្ថយចំនួនបុគ្គលិក ឬខ្វះបុគ្គលិកតែម្តង ជាពិសេសគឺការផ្តល់ការពិគ្រោះរោគសញ្ញា » ៕
ចែករំលែកព័តមាននេះ