រាជធានីភ្នំពេញ ៖ ដើម្បីបង្ហាញពីភាពអស្ចារ្យនៃសិល្បៈខ្មែរតាំងពីបូរាណកាលមក សហភាពសហព័ន្ធយុវជនកម្ពុជា (សសយក) និងនាំយកសិល្បៈ៥ ទម្រងចូលរួមសម្តែងក្នុងព្រឹត្តិការណ៍ក្បួនដង្ហែ «ឈីងហ្គេ » ឆ្នាំ២០១៩ ដែលនឹងប្រព្រឹត្តទៅនៅទីតាំង F1 Pit building សាធារណរ ដ្ឋសិង្ហបុរី ។ នេះបើតាមសមាជិកអចិន្ត្រៃយ៍ស.ស.យ.ក ។
លោក សុខ សប្បាយណា សមាជិកអចិន្ត្រៃយ៍ ស.ស.យ.ក បានឲ្យដឹងក្នុងសន្នីសីទសារព័ត៌នា ព្រឹកថ្ងៃទី២៩ មករា ឆ្នាំ២០១៩ថា ស.ស.យ.ក និងនាំយកសិល្បៈចំនួន៥ទម្រង់ទៅសម្តែងក្នុងព្រឹត្តិការណ៍ក្បូនសង្ហែ «ឈីងហ្គេ» ឆ្នាំ២០១៩ នៅសាធារណៈសង្ហបុរីនៅចាប់ពីថ្ងៃទី១៥ ដល់១៦ ខែកុម្ភៈ ឆ្នាំ២០១៩ខាងមុខនេះ ។ លោកបន្តថា សិល្បៈ៥ទម្រង់ ដែលនឹងត្រូវយកទៅសម្តែងរួមមាន (១) របាំម្ករ គឺជារបាំដ៏ពិសិដ្ឋអស្ចារ្យដែលបង្កើតឡើង ដើម្បីជានិមិត្តរូបនៃភាពត្រជាក់ត្រជុំ និងជ័យជំនះរបស់កងទ័ពជើងទឹកខ្មែរអំឡុងសម័យអង្គរ ។
ម្ករជាប្រភេទសត្វត្រីម្យ៉ាងមានដងខ្លួនដូចជានាគដែលនៅក្នុងជំនឿខ្មែរចាត់ទុកអំបូរនាគជាកំណើតដូនតាខ្មែរ ។ (២) ឈុតព្រះថោងនាងនាគ គឺជានិមិត្តរូបនៃការកសាងវង្សត្រកូល និងប្រទេសជាតិខ្មែរដោយការផ្សារភ្ជាប់គ្នារវាងមនុស្សជាតិ ជាតិសាសន៍ ការអនុវត្តនយោបាយដឹកនាំប្រទេស និងជំនឿសាសនាដែលនាំឱ្យមានការរស់នៅជុំគ្នាប្រកបដោយភាពសុខដុម ក្សេមក្សាន្ដ សុខសន្ដិភាព និងភាពសម្បូរសប្បាយ ។ (៣) ឈុតកូរសមុទ្រទឹកដោះ គឺបង្ហាញពីការរួមគ្នាសហការគ្នាចូលរួមយ៉ាងសស្រាក់សស្រាំ និងស្មើភាពគ្នារវាងទេវតា និងអសុរា ដើម្បីទទួលបាននូវសមិទ្ធផលដែលបម្រើដល់ផលប្រយោជន៍រួម ។
(៤) របាំក្រមា និងក្បាច់ក្រមានៃគុណល្បុក្កតោ បង្ហាញពីការអត់ធ្មត់ខិតខំប្រឹងប្រែង និងរួបរួមគ្នាជាធ្លុងមួយស្របជាមួយនឹងភាពរឹងមាំ និងម៉ឺងម៉ាត់នៃគុណល្បុក្កតោ ។ (៥) ក្បាច់ផ្ការំដួល ផ្ការំដួល គឺជាផ្កាអត្តសញ្ញាណជាតិខ្មែរ ។ ចាប់តាំងពីសម័យបុរាណកាល មកស្ត្រីខ្មែរត្រូវបានគេប្រៀបប្រដូចទៅនឹងផ្ការំដួលព្រោះ ផ្ការំដួលមានក្លិនក្រអូបឈ្ងុយឈ្ងប់ ហើយសាយក្លិនក្រអូបសាយបានឆ្ងាយតាមកម្លាំងខ្យល់បក់ ។
ដូចនេះរបាំផ្ការំដួលនឹងបង្ហាញពីភាពស្រស់ត្រកាល និងការរីកលូតលាស់ដ៏វិសេសវិសាលនៃជាតិសាសន៍ខ្មែរដែលល្បីរន្ទឺដល់ពិភពលោកតាមរយៈយុវជនខ្មែរ និងប្រជាជនខ្មែរគ្រប់ៗរូប ។ លោកបន្តថា អ្វីដែលជាការំពឹងទុករបស់យើងនោះ គឺ(១)ក្រៅពីការសម្តែងសិល្បៈវប្បធម៌ខ្មែរ លើឆាកអន្តរជាតិក្នុងព្រឹត្តិការណ៍ឈីងហ្គេកម្ពុជាចង់បង្ហាញពីការចូលរួមយ៉ាងសកម្មរបស់យុវជនខ្មែរក្នុងការរួបរួមគ្នាថែរក្សាវប្បធម៌ អរិយធម៌ខ្មែរ ដែលដូនតាបន្សល់ទុកក៏ដូចជា ការចូលរួមជំរុញផ្សព្វផ្សាយតាមលទ្ធភាពផ្សេងៗដែលអាចធ្វើបាន ។ (២) យើងក៏សង្ឃឹមថា គណៈប្រតិភូសិល្បករសិល្បការិនីទាំងអស់នឹងបង្ហាញពីសក្តានុពលរបស់ខ្លួនក្នុងនាមជាតំណាងយុវជនកម្ពុជាដែលពោរពេញដោយសមត្ថភាព និងជាអ្នកបន្តវេនដឹកនាំនាវាកម្ពុជាទៅថ្ងៃអនាគត ។
លើសពីនោះថែមទៀត(៣)ការចូលរួមក្នុងព្រឹត្តិការណ៍ឈីងហ្គេក៏ជាឱកាសដែលគណៈប្រតិភូកម្ពុជាទាំងអស់អាចកសាងទំនាក់ទំនងល្អជាមួយមិត្តអន្តរជាតិ ហើយរួមគ្នានាំមកនូវភាពសុខដុមនៃវប្បធម៌មនុស្សជាតិ និងប្រទេសជាតិ ៕
ចែករំលែកព័តមាននេះ