ជម្រើសលោកសម រង្ស៊ី បបួលសម្តេចតេជោប្រដាល់មួយស្មើនៅពហុកីឡដ្ឋានអូឡាំពិក
- ភ្នំពេញ
រាជធានីភ្នំពេញ ៖ ជាជម្រើសចុងក្រោយលោក សម រង្ស៊ី អតីតប្រធានគណបក្សសង្គ្រោះជាតិបានបបួលសម្តេច តេជោ ហ៊ុន សែន ប្រដាល់មួយស្មើ…
រាជធានីភ្នំពេញ ៖ ជាជម្រើសចុងក្រោយលោក សម រង្ស៊ី អតីតប្រធានគណបក្សសង្គ្រោះជាតិបានបបួលសម្តេច តេជោ ហ៊ុន សែន ប្រដាល់មួយស្មើ ដោយធ្វើសង្វៀននៅពហុកីឡដ្ឋានអូឡាំពិកតែម្តង ។
ថ្លែងទៅកាន់អ្នកគាំទ្រខ្លួននៅសហរដ្ឋអាមេរិក កាលពីថ្មីៗកន្លងមកនេះ លោក សម រង្ស៊ី បានលើកឡើងយ៉ាងដូច្នេះថា «បើហ៊ុន សែនខ្លាំង ហ៊ុនសែនឯងត្រូវតែហ៊ានកុំកំសាក ។ ហើយបើហ៊ុន សែន ហានខ្ញុំបបួល ហ៊ុន សែន ដាល់គ្នាលើកសង្វៀន ហើយឲ្យប្រជាជនមើលយើងធ្វើសង្វៀននៅស្តាតអូឡាំពិកដាល់គ្នាមួយស្មើ យើងធ្វើសង្វៀននៅនឹងតែម្តង»។
លោក សម រង្ស៊ី ក៏បានលើកឡើងថា លោកនឹងវិលចូលស្រុកខ្មែរវិញ នៅឆ្នាំ២០១៩ ដើម្បីផ្លាស់ប្តូររបបដឹកនាំនៅពេលបច្ចុប្បន្ននេះដែលជាអំណាចផ្តាច់ការ ។ លោកថា ការចូលស្រុកនេះដោយសារជាជម្រើសចុងក្រោយ ហើយក៏ជាឱកាសចុងក្រោយផងដែរ ។
យ៉ាងណាក្តីអ្នកនាំពាក្យប្រជាជនកម្ពុជាបានលើកឡើងថា ការបបួលនេះ គឺជាជាល្បិចគង់ ហ៊ានតែប៉ុណ្ណោះ ។ លោក សុខ ឥសាន អ្នកនាំពាក្យគណបក្សប្រជាជនកម្ពុជាបានអះអាងថា ប្រើល្បិចបបួលប្រដាល់មួយស្មើរបស់ទណ្ឌិត សម រង្ស៊ី គឺការប្រើក្បួន គង់ហ៊ាន តែប៉ុណ្ណោះ ។ លោកបានបញ្ជាក់ឲ្យដឹងទី២៩ មករាថា មិនបាច់ប្រើក្បួនគង់ហ៊ានទេ ។ ប្រជាជនកម្ពុជាគ្រប់រូបសុទ្ធតែបានដឹងរឿងគង់ហ៊ានអស់ហើយ ។ នៅពេលកំពុងនៅពីក្រោមប្រពន្ធស្រាប់ខំស្រែកថា វាយប្រពន្ធឲ្យងាប់ ធ្វើឲ្យអ្នកជិតខាងរត់មកជួយប្រពន្ធដោយខ្លាចគង់ហ៊ានវាយប្រពន្ធស្លាប់ ។ តែដល់មកឃើញស្រាប់តែហួសចិត្តទៅវិញ ។
លោកបន្តថា ជាការគួរឲ្យចង់អស់សំណើចណាស់ ដែលអ្នកនយោបាយម្នាក់ប្រកួតជាងម្ភៃឆ្នាំចាញ់រហូតសល់តែគូថខោថែមទាំងរត់ចោលសង្វៀនទៀត បែរជាមកស្រែកបបួលអ្នកឈ្នះវាយតតួមួយទល់មួយទៅវិញ ដែលមហាជនទូទៅបានដឹងថា ដើម្បីស្តាមុខមាត់បរាជ័យដ៏អាម៉ាស់ក៏ខិតខំស្រែកបំភាន់ភ្នែកគេឯងទៅ ។ នេះមិនខុសអីពីក្បួនរបស់គងហ៊ានទេ ។ លោកបញ្ជាក់ថា« ឱ លោកអ្នកចាញ់ហ្អើយ បើចាញ់យល់ព្រមថា ចាញ់ទៅ ចាំបាច់អីនៅធ្វើប្ញក្សឯងគ្រាន់បើអីទៀត ? ទោះខំធ្វើខែងរ៉ែងយ៉ាងណា ក៏គ្មានអាណាជឿដែរ»៕
ចែករំលែកព័តមាននេះ