ងាកមកមើលផ្លូវក្រាលកៅស៊ូប្រភេទACក្នុងក្រុងកំពង់ឆ្នាំងម្តងនេះម៉េចដែរ
- កំពង់ឆ្នាំង
ខេត្តកំពង់ឆ្នាំង ៖ លោកកែវ ពៅ ប្រធានមន្ទីរសាធារណការ និងដឹកជញ្ជូនខេត្តកំពង់ឆ្នាំងបានបញ្ជាក់ថា ផ្លូវចាក់កៅស៊ូប្រភេទ AC ចំនួន៣ខ្សែ មានប្រវែង១៧២១…
ខេត្តកំពង់ឆ្នាំង ៖ លោកកែវ ពៅ ប្រធានមន្ទីរសាធារណការ និងដឹកជញ្ជូនខេត្តកំពង់ឆ្នាំងបានបញ្ជាក់ថា ផ្លូវចាក់កៅស៊ូប្រភេទ AC ចំនួន៣ខ្សែ មានប្រវែង១៧២១…
ខេត្តកំពង់ឆ្នាំង ៖ លោកកែវ ពៅ ប្រធានមន្ទីរសាធារណការ និងដឹកជញ្ជូនខេត្តកំពង់ឆ្នាំងបានបញ្ជាក់ថា ផ្លូវចាក់កៅស៊ូប្រភេទ AC ចំនួន៣ខ្សែ មានប្រវែង១៧២១ ម៉ែត្រ ដែលបានកសាងនៅក្នុងសង្កាត់ផ្សារឆ្នាំង ក្រុងកំពង់ឆ្នាំង គឺបានរួចរាល់ជាស្ថាពរហើយ ដោយបញ្ចប់ការសាងសង់នៅព្រឹកថ្ងៃទី២៨ ខែមករា ឆ្នាំ២០១៩ ។
ការបញ្ជាក់បែបនេះបានធ្វើឡើងនៅក្នុងឱកាសដែលលោកអញ្ជើញត្រួតពិនិត្យការបញ្ចប់គម្រោងការសាងផ្លូវ ប្រភេទខាងលើ នៅចំណុចភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង ។ លោកកែវ ពៅ បានបញ្ជាក់ថា ផ្លូវចំនួន៣ខ្សែដែលមានប្រវែង១៧២១ម៉ែត្រចែកចេញជា៣កំណាត់មានផ្លូវលេខ៥០ ផ្លូវលេខ៥២ និងផ្លូវលេខ៥៤ ផ្លូវទាំង៣ខ្សែនេះ ស្ថិតក្នុងសង្កាត់ផ្សារឆ្នាំង ក្រុងកំពង់ឆ្នាំង ជាផ្លូវចាក់កៅស៊ូប្រភេទ AC មានកម្រាស់៥ហ៊ុន ទទឹង៥ទៅ៦ម៉ែត្រ តាមស្ថានភាពជាក់ស្តែង។ ផ្លូវខាងលើជាថវិការបស់រាជរដ្ឋាភិបាល តាមរយៈក្រសួងសាធារណការ និងដឹក ហើយអនុវត្តគម្រោងដោយមន្ទីរសាធារណការ និងដឹកជញ្ជូនខេត្តកំពង់ឆ្នាំង ។
ការកសាងផ្លូវទាំង៣ខ្សែនេះ គឺដើម្បីសម្រួលការធ្វើចរាចរណ៍របស់ប្រជាពលរដ្ឋឲ្យកាន់តែទូលំទូលាយ និងបានបញ្ជៀសនូវគ្រោះថ្នាក់ចរាចរណ៍ដែលកើតឡើងជាយថាហេតុ ។ ជាមួយនឹងការបញ្ចប់គម្រោងសាងសង់ផ្លូវខាងលើនេះ ក្នុងនាម លោក ជាសាម៉ីមន្ទីរ សូមអំពាវនាវប្រជាពលរដ្ឋដែលរស់នៅអមសងខាងផ្លូវ ហើយចង់ចាក់សាបផ្សារភ្ជាប់ផ្លូវចូលទៅកាន់លំនៅឋាន សូមអនុវត្តតាមការណែនាំដូចខាងក្រោមនេះទី១ សូមចាក់សាបមុខផ្ទះ ចូលទៅកាន់លំនៅដ្ឋាន ត្រូវធ្វើអោយទាបជាងផ្លូវ ។ ទី២ សូមទុកប្រឡោះអោយទឹកហូរធ្លាក់ចុះទៅក្រោមផ្ទះ អោយបានត្រឹមត្រូវ ដើម្បីបញ្ជៀសបានការហូរច្រោះបាក់ដី ។
ទី៣ សូមកុំចាក់សាប រំលោភចូលលើផ្លូវកៅស៊ូ ជាដាច់ខាត ដែលធ្វើអោយផ្លូវរួមតូច ។ ការធ្វើបែបនេះបាន ធ្វើអោយផ្លូវ និងមុខផ្ទះរបស់បងប្អូនកាន់តែមានសោភ័ណ្ឌភាព គ្មានធូលីដី នៅមុខផ្ទះ និងផ្លូវមានគុណភាព យូអង្វែង ។ ជាមួយគ្នានេះ លោកក៏បានសំណូមពរដល់អ្នកបើកបររថយន្តដឹកជញ្ជូនដែលមានទម្ងន់ធ្ងន់លើសចំណុះ សូមកុំបើកបរលើផ្លូវដ៏ស្រស់ស្អាតនេះដែលនាំអោយឆាប់ខូច ហើយបើយើងអនុវត្តតាមការណែនាំខាងលើនេះបានផ្លូវមួយខ្សែនេះនឹងមានអាយុចាប់ពី៧ ទៅ១០ឆ្នាំ ។
សូមបញ្ជាក់ថា កំណាត់ផ្លូវចាក់កៅស៊ូប្រភេទ AC ទាំង៣ខ្សែ គឺមានតែមួយខ្សែប៉ុណ្ណោះ ដែលមានផលប៉ះពាល់ខ្លះដល់អ្នករស់នៅសងខាងផ្លូវ ដែលធ្វើអោយពួកគាត់មិនសូវសប្បាយចិត្ត ។ ប៉ុន្តែនៅពេលផ្លូវបានសាងសង់រួចរាល់យ៉ាងស្អាត នៅចំមុខផ្លូវរបស់គាត់ ពួកគាត់ជាប្រជាពលរដ្ឋបានរីករាយសប្បាយចិត្ត គ្រប់ៗគ្នា ព្រោះតែផ្លូវកៅស៊ូយ៉ាងស្អាត កាត់បន្ថយដីហ៊ុយ មិនប៉ះពាល់ដល់សុខភាពសម្រួលដល់ការធ្វើដំណើរ និងកាត់បន្ថយគ្រោះថ្នាក់ចរាចរណ៍ជាដើម ៕
ចែករំលែកព័តមាននេះ