រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានអះអាងការបន្តប្រើឡូហ្គោ អតីតបក្សសង្គ្រោះជាតិ គឺជាការរំលោភច្បាប់ហើយនឹងត្រូវទទួលទោស ។
ការលើកឡើងរបស់អ្នកនាំពាក្យគណបក្សកាន់អំណាចខណៈដែលអតីតបក្សសង្គ្រោះជាតិនៅបន្តប្រើឡូហ្គោរូបព្រះអាទិត្យដែលនិមិត្តសញ្ញារបស់បក្សដដែល ។ ជាងនេះអតីតបក្សនេះតែងតែចេញសេចក្តីថ្លៃងការនានា ដោយប្រើរូបឡូហ្គោបក្សថែមទៀត ។
លោក សុខ ឥសាន បានឱ្យដឹងនៅថ្ងៃទី២៨មករា ថា អតីតបក្សប្រឆាំងត្រូវបានតុលាការកំពូលសម្រេចរំលាយចោលរួចហើយ កាលពីថ្ងៃទី១៦ ខែវិច្ឆិកា ឆ្នាំ២០១៧ ។ ដូច្នេះរាល់រចនាសម្ព័ន្ធឡូហ្គោរបស់អតីតបក្សនេះត្រូវអស់សុពលភាពប្រើប្រាស់ហើយ ។
លោកបញ្ជាក់ថា« បើមានអ្នកណាប្រើប្រាស់ទៀត គឺជាទង្វើខុសច្បាប់ដោយសារប្រឆាំងនឹងសាលដីកាសា្ថពរ និងបិទផ្លូវតវ៉ារបស់តុលាការកំពូលមានន័យថា ប្រឆាំងច្បាប់»។ លោកបន្ថែមថា សមត្ថកិច្ចមានភារកិច្ចអនុវត្តច្បាប់ ណែនាំឲ្យមានករគោរពនិងអនុវត្តឲ្យបានត្រឹមត្រូវបើនៅតែរឹងទទឹងត្រូវមានវិធានការណ៍ទប់ស្កាត់ និងបង្ក្រាប ៕
ចែករំលែកព័តមាននេះ