ខេត្តរតនះគីរី ៖ បុរសជនជាតិដើមភាគតិចច្រាយម្នាក់បានរងរបួសធ្ងន់ធ្ងរ បន្ទាប់ពីកែច្នៃរំសេវដើម្បីយកទៅបោកត្រី ស្រាប់តែផ្ទុះត្រូវខ្លួនឯង ដែលហេតុការណ៍នេះបានកើតឡើងកាលពីវេលាម៉ោង៣និង៤៥នាទីរសៀលថ្ងៃទី២៦ ខែមករា ឆ្នាំ២០១៩ ស្ថិតនៅចំណុចអូរតាង ក្នុងភូមិដធំ…
ខេត្តរតនះគីរី ៖ បុរសជនជាតិដើមភាគតិចច្រាយម្នាក់បានរងរបួសធ្ងន់ធ្ងរ បន្ទាប់ពីកែច្នៃរំសេវដើម្បីយកទៅបោកត្រី ស្រាប់តែផ្ទុះត្រូវខ្លួនឯង ដែលហេតុការណ៍នេះបានកើតឡើងកាលពីវេលាម៉ោង៣និង៤៥នាទីរសៀលថ្ងៃទី២៦ ខែមករា ឆ្នាំ២០១៩ ស្ថិតនៅចំណុចអូរតាង ក្នុងភូមិដធំ ឃុំយ៉ាទុង ស្រុកអូយ៉ាដាវ ។
ទាក់ទិននឹងករណីខាងលើនេះត្រូវបានសមត្ថកិច្ចប៉ូលិសស្រុកបានអោយដឹងថា ជនរងគ្រោះឈ្មោះពូយ យុច ភេទប្រុស អាយុ៤៦ឆ្នាំ ជនជាតិដើមភាគតិចច្រាយ មុខរបកសិករ រស់នៅភូមិឃុំកើតហេតុខាងលើ។
សមត្ថកិច្ចដដែលបានបញ្ជាក់ថា នៅមុនពេលកើតហេតុ ជនរងគ្រោះបានយកកំប៉ុងស្រាបៀមួយកែច្នៃដាក់រំសេវ រួចតសរសៃអំបោះមានប្រវែង២ចង្អាម ដើម្បីបោកត្រី នៅពេលជនរងគ្រោះកំពុងធ្វើសកម្មភាពយកដែកកេះដុតសរសៃអំដោះនោះ ស្រាប់តែផ្ទុះភ្លាមៗមិនទាន់ទាំងបានបោះចូលទៅក្នុងទឹកផង ។
សមត្ថកិច្ចបានបន្តទៀតថា បើតាមការពិនិត្យលើស្នាមរបួសឃើញថា ជនរងគ្រោះបានដាច់កដៃខាងស្ដាំ និងត្រូវរបួសធ្ងន់ចំក្បាល និងទ្រូង បច្ចុប្បន្នជនរងគ្រោះត្រូវបានសាច់ញាតិយកទៅសង្គ្រោះនៅប្រទេសវៀតណាម ហើយនៅថ្ងៃទី២៧ មករា នេះ កោះសន្តិភាពមិនបានទទួលព័ត៌មានលម្អិតថាតើសុខភាពជនរងគ្រោះដល់កំរិតណានោះទេ ព្រោះមូលហេតុទាក់ទងក្រុមគ្រួសារជនរងគ្រោះអត់បាន ។
ដោយឡែកសមត្ថកិច្ចប៉ូលិសស្រុកអូយ៉ាដាវបានឱ្យដឹងថា ជនរងគ្រោះមានសង្ឃឹមរស់តិចណាស់ ព្រោះរងរបួសធ្ងន់ធ្ងរពេក។
សមត្ថកិច្ចបានសំណូមពរដល់បងប្អូនប្រជាពលរដ្ឋទូទាំងខេត្តរតនៈគីរី មេត្តាបញ្ឈប់ជាបន្ទាន់អំពីករណីកែច្នៃរំសេវដើម្បីយកទៅបោកត្រី គ្មានជំនាញច្បាស់លាស់នាំអោយគ្រោះថ្នាក់ដល់អាយុជីវិតខ្លួនឯង ៕
ចែករំលែកព័តមាននេះ