ពលរដ្ឋហិណ្ឌូនៅប្រទេសម៉ាឡេស៊ីជាច្រើនសែននាក់ បានប្រមូលផ្ដុំគ្នាកាលពីថ្ងៃទី២១ មករា២០១៩ ដើម្បីចូលរួមក្នុងពិធី«Thaipusam» ជាពិធីបុណ្យប្រចាំឆ្នាំរបស់ជនហិណ្ឌូ នាំគ្នាយកដែកស្រួចចាក់ដោតនៅលើរាងកាយ ជាការបូជាដល់«ព្រះ» អ្នកដែលបានទទួលអាវុធជាស្នពីព្រះជាម្ចាស់«kavadi» ធ្វើជាខែលការពារពីអសុរកាយ ។…
ពលរដ្ឋហិណ្ឌូនៅប្រទេសម៉ាឡេស៊ីជាច្រើនសែននាក់ បានប្រមូលផ្ដុំគ្នាកាលពីថ្ងៃទី២១ មករា២០១៩ ដើម្បីចូលរួមក្នុងពិធី«Thaipusam» ជាពិធីបុណ្យប្រចាំឆ្នាំរបស់ជនហិណ្ឌូ នាំគ្នាយកដែកស្រួចចាក់ដោតនៅលើរាងកាយ ជាការបូជាដល់«ព្រះ» អ្នកដែលបានទទួលអាវុធជាស្នពីព្រះជាម្ចាស់«kavadi» ធ្វើជាខែលការពារពីអសុរកាយ ។
ពិធីបុណ្យបានធ្វើឡើងនៅតាមប្រទេសនានាដែលមានពលរដ្ឋជានិកាយ«ទមិឡ» ដែលភៀសខ្លួនពីភាគខាងត្បូងប្រទេសឥណ្ឌា រួមទាំងម៉ាឡេស៊ី និងសិង្ហបុរី ។ ពលរដ្ឋហិណ្ឌូបានប្រមូលផ្ដុំគ្នានៅឯល្អាង «Batu» ក្រៅក្រុងគួឡាឡាំពួរ រួមទាំងថ្វាយគ្រឿងបូជាដល់«ព្រះ» មានមនុស្សជាច្រើនត្រូវដើរជាច្រើនម៉ោង មុនពេលោតឡើងជណ្ដើរទៅលើភ្នំជិត៣០០កាំ បានទៅដល់វត្តមួយក្នុងល្អាង ។ ពលរដ្ឋមួយចំនួនបានប្រើដែកស្រួចដោតនៅលើមុខ និងតាមខ្លួនប្រាណ ដើម្បីសម្តែងការគោរព និងអរគុណដល់«ព្រះ»តាមជំនឿរបស់ជនហិណ្ឌូ ។
ពិធីបុណ្យបូជា«Thaipusam» គឺជាថ្ងៃឈប់សម្រាកប្រចាំក្នុងប្រទេសនៃរដ្ឋជាច្រើននៅម៉ាឡេស៊ី ស្រីលង្កា និងម៉ូរីស ។ ក្រៅពីនៅម៉ាឡេស៊ីពលរដ្ឋហិណ្ឌូជាច្រើនពាន់នាក់ក៏នាំគ្នាប្រារព្ធពិធីដូចគ្នានេះនៅសិង្ហបុរី និងភាគខាងត្បូងប្រទេសឥណ្ឌា រួមទាំងនៅកាណាដា និងប្រជុំកោះការីបៀនដែលមានពលរដ្ឋឥណ្ឌាទៅរស់នៅ ៕
ចែករំលែកព័តមាននេះ