ភាពយន្តខ្មែរកើនឡើង តែត្រដរខ្យល់ !
- ភ្នំពេញ
រាជធានីភ្នំពេញ៖ ចាងហ្វាងផលិតកម្ម wonderfilm Cambodia លោកសែម វិសាល បានព្រមានពីហានិភ័យមួយក្នុងវិស័យភាពយន្តខ្មែរ បើទោះបីជាការផលិតកំពុងមានការកើនឡើងក៏ដោយ ។ តើហានិភ័យអ្វី…
រាជធានីភ្នំពេញ៖ ចាងហ្វាងផលិតកម្ម wonderfilm Cambodia លោកសែម វិសាល បានព្រមានពីហានិភ័យមួយក្នុងវិស័យភាពយន្តខ្មែរ បើទោះបីជាការផលិតកំពុងមានការកើនឡើងក៏ដោយ ។ តើហានិភ័យអ្វី…
រាជធានីភ្នំពេញ៖ ចាងហ្វាងផលិតកម្ម wonderfilm Cambodia លោកសែម វិសាល បានព្រមានពីហានិភ័យមួយក្នុងវិស័យភាពយន្តខ្មែរ បើទោះបីជាការផលិតកំពុងមានការកើនឡើងក៏ដោយ ។ តើហានិភ័យអ្វី ?
ហានិភ័យនោះត្រូវអគ្គលេខាធិការសមាគមភាពយន្តកម្ពុជាលោកសែម វិសាល លើកឡើងកាលពីពេល ថ្មីៗកន្លងមកថា ការផលិតភាពយន្តខ្មែរកំពុងមានការប្រឈមខ្លាំងនឹងការប្រកួតប្រជែងភាពយន្តបរទេស។ តាមអ្វីដែលលោកសែម វិសាល បានលើកឡើងថា វិស័យភាពយន្តខ្មែរបច្ចុប្បន្នកំពុងតែត្រដរខ្យល់ សូមផលិតករខ្មែរប្រុងប្រយ័ត្នខ្ពស់ចំពោះគំរោងផលិត ព្រោះទីផ្សារភាពយន្តយើងសព្វថ្ងៃត្រូវបានគ្របដណ្ដប់ដោយទីផ្សារភាពយន្តបរទេស ។
លោកសែម វិសាល លើកឡើងថា «ក្នុងនាមខ្ញុំជាផលិតករខ្មែរមួយរូប ខ្ញុំសូមសម្ដែងការកោតសរសើរចំពោះរៀមច្បង និងផលិតករខ្មែរទាំងអស់ដែលបានលះបង់ប្រាក់កាស ពេលវេលា បេះដូង មិនខ្លាចនឿយហត់ ទោះផលិតទៅបានល្អ ឬមិនល្អ ក៏នៅតែតាំងចិត្តក៏សាងខ្លួនទៅមុខទៀត ។ នេះជាភាពអង្គអាចដ៏គួរអោយសរសើរ អ្នកទាំងអស់គ្នាជាធនធានប្រាកដដែលបានវិនិយោគយ៉ាងធំធេងសម្រាប់វិស័យភាពយន្តក្នុងស្រុក ។ ខ្ញុំជឿជាក់ថា ទស្សនិកជនក្នុងនាមសញ្ជាតិតែមួយនឹងយល់លើកត្តានេះ តស៊ូទៅមុខទៀតដើម្បីវិស័យភាពយន្តយើង ។
ការផលិតខ្មែរភាពយន្តមួយគឺយើងពិបាកនឹងរកប្រាក់ចំណេញណាស់ ខណៈពេលមានផលិតករមួយចំនួនបានបន្តបិទផលិតកម្មរបស់ខ្លួនផងដែរ ។ បើទស្សនិកជនទិញសំបុត្រចូលទស្សនាចំខ្សែភាពយន្តណាដែលផលិតមិនមានគុណភាពនោះ វានឹងធ្វើឲ្យជះឥទ្ធិពលដល់បណ្តាលផលិតកម្មផ្សេងទៀត »។
លោកសែម វិសាល បានស្នើសុំឲ្យគ្រប់ផលិតករទាំងអស់ត្រូវគិតពីគុណភាពជាចម្បង ដើម្បីចៀសវាងសម្លាប់ទឹកចិត្តអ្នកគាំទ្រ ។ ប្រសិនបើការផលិតភាពយន្តមួយមានគុណភាពនោះ ផលិតករក៏នឹងទទួលបានប្រាក់ចំណេញ និងកិត្តិយស និងទំនុកចិត្តពីទស្សនិកជនផងដែរ ៕
ចែករំលែកព័តមាននេះ