បន្ទាយមានជ័យ ៖ អភិបាលខេត្តជម្រុញអោយវិស័យអប់រំយកចិត្តទុកដាក់នៅតាមជនបទអោយមានគុណភាព និងប្រសិទ្ធភាពខ្ពស់ដែលលើកឡើងបិតសន្និបាត នៅរសៀលថ្ងៃទី២៥ ខែមករា ឆ្នាំ២០១៩ នៅសាលប្រជុំមន្ទីរអប់រំយុវជន និងកីឡាខេត្តបន្ទាយមានជ័យ ។…
បន្ទាយមានជ័យ ៖ អភិបាលខេត្តជម្រុញអោយវិស័យអប់រំយកចិត្តទុកដាក់នៅតាមជនបទអោយមានគុណភាព និងប្រសិទ្ធភាពខ្ពស់ដែលលើកឡើងបិតសន្និបាត នៅរសៀលថ្ងៃទី២៥ ខែមករា ឆ្នាំ២០១៩ នៅសាលប្រជុំមន្ទីរអប់រំយុវជន និងកីឡាខេត្តបន្ទាយមានជ័យ ។
លោក ឈូ ប៊ុនរឿង ប្រធានមន្ទីរអប់រំយុវជន និងកីឡាខេត្តបន្ទាយមានជ័យមានប្រសាសន៍ថា សន្និបាតបូកសរុបវាយតម្លៃលទ្ធផលការងារអប់រំយុវជន និងកីឡា ឆ្នាំសិក្សា២០១៧- ២០១៨និងលើទិសដៅឆ្នាំសិក្សា២០១៨- ២០១៩ ដែលបានចូលរួមពីមន្ត្រីអប់រំយុវជន និងកីឡា លោកគ្រូ- អ្នកគ្រូ មានចំនួន៣៧៤នាក់ ស្រី៨៥នាក់ ជាមន្ត្រីគ្រប់គ្រងលំដាប់ថ្នាក់ទាំងរដ្ឋ និងឯកជនដៃគូអភិវឌ្ឍមន្ទីរអង្គភាពនានាអាជ្ញាធរដែលដី និងសមាគមផងដែរ ។
លោកបានបញ្ជាក់ថា ដំណើរការពិភាក្សាបានផ្តោតការយកចិត្តទុកដាក់ជាសំខាន់ទៅលើការពិភាក្សាពេញអង្គ ដើម្បីរកអោយឃើញនូវដំណោះស្រាយគន្លឹះ និងអនុសាសន៍នានាសម្រាប់អនុវិស័យទាំង០៦ ដែលមានប្រធានបទចំនួន៦មាន ១- អនុវិស័យការអប់រំកុមាតូច ការបង្កើនថ្នាក់មត្តេយ្យសិក្សាសហគមន៍ស្តង់ដា ប្រកបដោយគុណភាព និងប្រសិទ្ធិភាព ២- អនុវិស័យអប់រំបឋមសិក្សា ការគ្រប់គ្រងសាលារៀលផ្នែក លើលទ្ធផល ៣- អនុវិស័យអប់រំមធ្យមសិក្សានិងបច្ចេកទេស ការគ្រប់គ្រងតាមសាលារៀន ៤ – អនុវិស័យអប់រំក្រៅប្រព័ន្ធលើកកម្ពស់អនុវត្តកម្មវិធីសមមូល និងកម្មវិធីបង្កើនប្រាក់ចំណូល ៥- អនុវិស័យអភិវឌ្ឍន៍យុវជនការពង្រឹងសហគ្រិនភាព និងប្រឹក្សាអាជីពតាមសាលារៀន និងសហគមន៍ ៦- អនុវិស័យអប់រំ និងកីឡាពង្រឹងកម្មភាពអប់រំកាយ និងកីឡាក្នុងម៉ោងសិក្សា និងសកម្មភាពកីឡាក្រៅម៉ោងសិក្សា ។
លោក សួន បវរ អភិបាលខេត្តបន្ទាយមានជ័យមានប្រសាសន៍កើតសសើរចំពោះលទ្ធផលការងារអប់រំយុវជននិងកីឡាឆ្នាំសិក្សា២០១៧-២០១៨ កន្លងមក គឺមន្ត្រីគ្រប់គ្រងអប់រំបានខិតខំសម្រេចគោលនយោបាយ និងយុទ្ធសាស្គ្រកំណែទម្រង់វិស័យអប់រំ ២០១៨- ២០២៣ដើម្បីឈានទៅសម្រេចយុទ្ធសាស្គ្រចតុកោណរបស់រាជរដ្ឋាភិបាលក្រោមការដឹកនាំដ៏ត្រឹមត្រូវប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
លោកបានមានប្រសាសន៍ជម្រុញអោយមន្ទីអប់រំយុវជន និងកីឡាខេត្តបន្ទាយមានជ័យត្រូវយកចិត្តទុកដាក់វិស័យអប់តាមជនបទ ដើម្បីបង្កើនការប្រមូលកុមារចូលរៀនអាយុ៣ឆ្នាំ ដល់៥ឆ្នាំ អោយឆ្លើយតប និងចំណុចគោលដៅដោយពង្រីកការអប់រំកុមារតូចគ្រប់រូបភាពនៅតំបន់ដែលមានអត្រាចូលរៀនទាប និងអាត្រាបោះបង់ការសិក្សាខ្ពស់ តាមរយៈការបើកថ្នាក់មតេយ្យសិក្សាក្នុងសាលាបឋមសិក្សាថ្នាក់មតេយ្យសិក្សាសហគមន៍ និងអប់រំកុមាតាមផ្ទះ ៕
ចែករំលែកព័តមាននេះ