រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ក្នុងពេលដែលម៉ូតូកំពុងធ្វើដំណើរ ហើយបត់ចង្កូតបម្រុងចូលផ្ទះ ក៏ស្រាប់តែមានរថយន្តដឹកដីមួយគ្រឿងបើកមកបុកបណ្តាលឱ្យដួលម៉ូតូធ្លាក់ស្ត្រីម្នាក់ស្លាប់ភ្លាមៗយ៉ាងអាណោចអាធ័ម ។ ហើយរថយន្តដឹកដីបង្កនោះ មិនបានឈប់មើលទេ ដោយព្យាយាមបើកគេចយ៉ាងលឿន ប៉ុន្តែនៅទីបំផុតឃាត់បានដដែល។
ហេតុការណ៍ដ៏រន្ធត់នេះ កើតឡើងកាលពីវេលាម៉ោងជាង៣រសៀលថ្ងៃទី២៦ មករា ត្រង់ចំណុចលើផ្លូវជាតិលេខ១ សង្កាត់ក្បាលកោះ ខណ្ឌច្បារអំពៅអំពៅ ។ ជំហានដំបូង គេនៅទាន់ស្គាល់ឈ្មោះអ្នកស្លាប់នៅឡើយ តែស្ត្រីម្នាក់អាយុប្រហែល៣០ឆ្នាំ ។ រីឯបើករថយន្តបង្ក ក៏នៅមិនទាន់ស្គាល់ឈ្មោះផងដែរ ។
ប្រភពបន្តថា ទាក់ទិនករណីខាងលើ គឺភាគីទាំង២(រថយន្តនិងម៉ូតូ) កំពុងធ្វើដំណើរស្របទិសគ្នា ក្នុងទិសដៅពីផ្សារគគីរមករាជធានីភ្នំពេញ ។ លុះជិះមកដល់ចំណុចកើតហេតុ ខាងម៉ូតូកំពុងបត់ស្តាំចូលផ្ទះ ក៏ត្រូវរថយន្តដឹកដីនេះមកបុក បណ្តាលឱ្យធ្លាក់ស្ត្រីចេញពីលើម៉ូតូដួលចូលកង់រថយន្តកិនស្លាប់តែម្តង ។
ចែករំលែកព័តមាននេះ