រាជធានីភ្នំពេញ ៖ សេចក្តីរាយការណ៍ឱ្យដឹងថា មានការបង្ក្រាបរបស់កម្លាំងនគរបាលការិយាល័យព្រហ្ម
ទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ នារសៀលថ្ងៃទី២៦ មករានេះ ដោយឆ្មក់ចូលក្នុងទីតាំងបញ្ជល់មាន់មួយកន្លែង ដែលកំពុងប្រព្រឹត្តយ៉ាងជាក់ស្តែង ត្រង់ចំណុចដីឡូតិ៍មួយកន្លែង ក្នុងភូមិចំរើនផល សង្កាត់បឹងទំពុន១ ខណ្ឌមានជ័យ រាជធានីភ្នំពេញ ។
ការបង្ក្រាបនេះ ធ្វើឡើងដោយមានការដឹកនាំកម្លាំងពីលោកវរសេនីយ៍ឯក ប៊ុន សត្យា នាយការិយា័យព្រហ្មទណ្ឌកម្រិតស្រាល និងមានការសម្របសម្រួលឯកភាពពីព្រះរាជអាជ្ញាររងអមសាលាដំបូងរាជធានីភ្នំពេញផងដែរ ។
សេចក្តីរាយការណ៍បន្តថា ជាលទ្ធផល កម្លាំងបានឃាត់ខ្លួនអ្នកលេងទាំងអស់សរុប១០នាក់ រួមទាំងដកហូតមាន់ជល់មួយចំនួន និងម៉ូតូ២១គ្រឿងទៀតផង ។
ជនសង្ស័យនិងវត្ថុតាងទាំងអស់ រួមជាមួយម៉ូតូ ត្រូវបញ្ចូនទៅកាន់ការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ចាត់ការបន្ត ។
ចែករំលែកព័តមាននេះ