ឃួង ស្រេង៖ ប្រទេសជាតិមួយខ្លាំង គឺខ្លាំងដោយសារកងទ័ព ហើយកងទព័សម័យនេះ…
- ស្ទឹងត្រែង
ខេត្តស្ទឹងត្រែង ៖ លោក ឃួង ស្រេង បានមានប្រសាសន៍ថា ប្រទេសជាតិមួយខ្លាំង គឺខ្លាំងដោយសារកងទ័ព ហើយកងទព័សម័យនេះ មិនខុសពីកងទ័ពសម័យមុនទេ…
ខេត្តស្ទឹងត្រែង ៖ លោក ឃួង ស្រេង បានមានប្រសាសន៍ថា ប្រទេសជាតិមួយខ្លាំង គឺខ្លាំងដោយសារកងទ័ព ហើយកងទព័សម័យនេះ មិនខុសពីកងទ័ពសម័យមុនទេ…
ខេត្តស្ទឹងត្រែង ៖ លោក ឃួង ស្រេង បានមានប្រសាសន៍ថា ប្រទេសជាតិមួយខ្លាំង គឺខ្លាំងដោយសារកងទ័ព ហើយកងទព័សម័យនេះ មិនខុសពីកងទ័ពសម័យមុនទេ គឺក្នុងតួនាទីភារកិច្ច និងកាតព្វកិច្ចស្មោះត្រង់ចំពោះជាតិ សាសនា ព្រះមហាក្សត្រ, ការពាររដ្ឋធម្មនុញ្ញ ការពាររាជរដ្ឋាភិបាល ការពារទឹកដី និងថែរក្សាសុខសន្តិភាពជូនជាតិមាតុភូមិ និងប្រជាជន ។
លោកមានប្រសាសន៍បែបនេះ នៅក្នុងពិធីបើកសម្ពោធជាផ្លូវការនូវគិលានដ្ឋានកងពលតូចអន្តរាគមន៍លេខ១២៨ ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត នាព្រឹកថ្ងៃទី២៦ មករា មានទីតាំងស្ថិតនៅក្នុងភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង (អូពងមាន់) ដែលមានវត្តចូលរួមពីលោកឃួង ស្រេង អភិបាលនៃគណៈអភិបាលរាជធានីភ្នំពេញ និងលោកជំទាវផងដែរ ។
លោកបន្តថា ទោះបីកម្ពុជា ជាប្រទេសតូច ប្រជាជនតិច ប៉ុន្តែជាភ័ព្វសំណាងខ្ពស់ណាស់ ដែលយើងមានកងទ័ពដ៏ស្មោះត្រង់ មានស្មារតីឆន្ទះស្នេហាជាតិ និងមានអគ្គមគ្គុទេសដឹកនាំដ៏ឆ្នើមគឺសម្តេចអគ្គមហាសេនាបតីតេជោហ៊ុនសែន ជាប្រមុខ ។ ជាមួយគ្នានេះ ទោះបីសង្គមជាតិយើងនាពេលបច្ចុប្បន្ន មានសុខសន្តិភាពពេញលេញ ជម្លោះដែនអធិបតេយ្យមានសភាពស្ងប់ស្ងាត់ តំបន់ព្រំដែនមានការអភិវឌ្ឍន៍ និងជីវភាពប្រជាជលរដ្ឋមានការលើកកំពស់ ប៉ុន្តែយើងមិនអាចស្កប់ស្កល់នោះទេ។
យើងចាំបាច់ត្រូវតែបន្តរួមគ្នាថែរក្សា សុខសន្តិភាព និងការអភិវឌ្ឍន៏សង្គមដូចសព្វថ្ងៃនេះ ហើយពិតណាស់យើងមិនអាចខ្វះបានឡើយនូវវត្តមានកងទ័ព ដែលជាតួអង្គប្រតិបត្តិករដ៏សំខាន់បំផុត ដូច្នេះបញ្ហាជីវភាពសុខទុក្ខកងទព័ និងសុខភាពគ្រួសារកងទ័ព គឺជាកត្តាដែលត្រូវយកចិត្តទុកដាក់ជាអាទិភាព។
ចែករំលែកព័តមាននេះ