ខេត្តស្វាយរៀង ៖ សេចក្តីរាយការណ៍បឋមឱ្យដឹងថា ខណៈកម្លាំងសមត្ថកិច្ចនគគរបាលការិយាល័យអន្តោប្រវេសន៍ស្នងការដ្ឋាននគបាលខេត្តស្វាយរៀងកំពុងចុះត្រួតពិនិត្យរដ្ឋបាលក្នុងសង្កាត់ស្វាយរៀង ក្រុងស្វាយរៀង កាលពីថ្ងៃទី២៥ មករា ក៏បានរកឃេីញជនជាតិវៀតណាម៥នាក់ (ស្រី២នាក់) បានឆ្លងដែនចូលមកប្រកបមុខរបរលក់ឆ្នោតវៀតណាម ដោយគ្មានច្បាប់អនុញ្ញាតិអនុញ្ញាតិ ។
សេចក្តីរាយការណ៍បន្តថា កម្លាំងនគរបាលអន្តោប្រវេសន៍ខេត្ត បានធ្វេីការឃាត់ខ្លួនពួកគេខាងលើ ខណៈកំពុងដើរលក់ឆ្នោតវៀតណាមយ៉ាងអនាធិបតេយ្យ ដោយបាននាំមកធ្វើការអប់រំ និងធ្វើកិច្ចសន្យា រួចហើយបណ្តេញចេញឱ្យវិលត្រឡប់ទៅប្រទេសដេីមវិញភ្លាម ។
ទាក់ទិនករណីនេះដែរ មានមហាជនរិះគន់ថា ជនជាតិវៀតណាមបានឆ្លងដែនចូលមកខេត្តស្វាយរៀងតាមច្រករបៀងរាល់ថ្ងៃ ។ ពួកគេដើរលក់ឆ្នោតវៀតណាមគ្រប់ច្រកល្ហកទាំងអស់ ហើយតែងតែឃើញសមត្ថកិច្ចចាប់ធ្វើកិច្ចសន្យានិងអប់រំ រួចឱ្យត្រឡប់ទៅស្រុកវិញ គឺតែឃើញមុខដដែលៗ ខណៈចាប់បញ្ជូនល្ងាច ព្រឹកឡើង ពួកគេមកលក់ដដែល ។ អ្នកលក់ឆ្នោតវៀតណាមនេះ ពួកគេជិះម៉ូតូចូលមកតាមច្រករបៀង ហើយពួកគេបានបង់ប្រាក់ឱ្យសមត្ថកិច្ចដែលឈជើងនៅតាមច្រករបៀង ទើបចូលមកស្រួលនេះ ?
ចែករំលែកព័តមាននេះ