សម្រុកសង់ខុនដូនៅ Pattaya ពេក ពេលនេះដូចផ្អាប់លុយ១.៧៤ប៊ីលានដុល្លារចោល
ប្រទេសថៃ៖ យោងតាមក្រហ៊ុនប្រឹក្សាយោបល់ផ្នែកអចលនទ្រព្យ Colliers International Thailand ដែលបានប្រាប់ដល់សារព័ត៌មាន Bangkok Post កាលពីថ្ងៃទី២៥ មករា…
ប្រទេសថៃ៖ យោងតាមក្រហ៊ុនប្រឹក្សាយោបល់ផ្នែកអចលនទ្រព្យ Colliers International Thailand ដែលបានប្រាប់ដល់សារព័ត៌មាន Bangkok Post កាលពីថ្ងៃទី២៥ មករា…
ប្រទេសថៃ៖ យោងតាមក្រហ៊ុនប្រឹក្សាយោបល់ផ្នែកអចលនទ្រព្យ Colliers International Thailand ដែលបានប្រាប់ដល់សារព័ត៌មាន Bangkok Post កាលពីថ្ងៃទី២៥ មករា បានឲ្យដឹងថា ខុនដូថ្មីៗនៅ Pattaya នាឆ្នាំនេះមិនគួរមានលើសពី៥ពាន់យូនីតទេ ព្រោះនៅមានខុនដូ ១២០០០យូនីតទៀតដែលមិនទាន់លក់ចេញ ។
លោក Phattarachai Taweewong ដែលជាអ្នកគ្រប់គ្រងផ្នែកស្រាវជ្រាវក្នុងក្រុមហ៊ុនខាងលើបាននិយាយថា ចំនួនខុនដូដែលលក់មិនចេញដ៏ខ្ពស់នេះគឺមកពីឆ្នាំមុនមានការចេញលក់ខុនដូច្រើនពេក ។
យោងតាមការស្រាវជ្រាវរបស់ Colliers បានឲ្យដឹងថា ចំនួនខុនដូដែលបានចេញលក់នៅ Pattaya កាលពីឆ្នាំ២០១៨ មានសរុប ១០២៣៩ យូនីត ឬសរុបមានតម្លៃ១.៧៤ប៊ីលានដុល្លារ ។
លោកបានបន្តថា «វាជាចំនួនខ្ពស់ជាងគេក្នុងរយៈពេល៤ឆ្នាំមកនេះ ។ កត្តាជំរុញដល់ការចេញលក់ខុនដូថ្មីៗកាលពីឆ្នាំមុនគឺច្រករបៀងសេដ្ឋកិច្ចខាងកើត» ។
លោក Phattarachai បានបន្តថា ទីផ្សារខុនដូរបស់ Pattaya មានការអន់ថយតាំងពីឆ្នាំ ២០១៥ មកម្ល៉េះ ហើយចំនួនខុនដូដែលលក់មិនចេញនេះបានប៉ះពាល់ដល់ជំនឿចិត្តរបស់អតិថិជន និងក្រុមហ៊ុនអចលនទ្រព្យ ។
លោកបានបន្ថែមថា «ក្រុមហ៊ុនអចលនទ្រព្យគួរតែមានការប្រុងប្រយ័ត្នក្នុងការចេញលក់ខុនដីថ្មីៗ ព្រោះអតិថិជនភាគច្រើនក្នុងទីផ្សារនេះគឺជាវិនិយោគិនដែលចង់ចំណេញច្រើន ។ មានអតិថិជនតិចណាស់ដែលទិញខុនដូដើម្បីប្រើប្រាស់ផ្ទាល់ខ្លួន» ។
គួរបញ្ជាក់ដែរថា ប្រមាណ ៨២% នៃខុនដូដែលបានដាក់លក់ថ្មីៗនៅឆ្នាំ ២០១៨ គឺជារបស់ក្រុមហ៊ុនអចលនទ្រប្យបរទេសដូចជា Global Top Group របស់វិនិយោគិនអ៊ីស្រាអ៊ែលជាដើម ។
យោងទៅតាមនាយកដ្ឋានដែនដីបានឲ្យដឹងថា គម្រោងដែលសម្រេចការសាងសង់ថ្មីៗ និងគម្រោងដែលបានចុះក្នុងបញ្ជីនៅឆ្នាំ២០១៨ សរុបស្មើ ៣៣គម្រោងដែលសរុបមាន ៨,៥៣៣យូនីត ដែលធ្វើឲ្យខុនដូសរុបដែលលក់មិនទាន់ចេញនៅ Pattaya ស្មើ ៨៨,៣៣០ យូនីតនៅចុងឆ្នាំ ២០១៨ ៕
ចែករំលែកព័តមាននេះ