ខេត្តមណ្ឌលគិរី ៖ សេចក្តីរាយការណ៍បានឱ្យដឹងថា មានបុរសម្នាក់ទៀតហើយ ដែលត្រូវស្លាប់ ពេលដឹកឈើលើម៉ូតូក៏ដួលសង្កត់ពីលើ កើតឡើងកាលពីវេលាម៉ោង០៣និង៣០នាទីរសៀលថ្ងៃទី២៣ មករា ស្ថិតត្រង់ចំណុចអូរលែ ក្នុងភូមិអូរហូច ឃុំសែនមនោរម្យ ស្រុកអូររាំង ខេត្តមណ្ឌលគិរី ។
ជនរងគ្រោះខាងលើ ឈ្មោះខុម សុខា ភេទប្រុស អាយុ២៦ឆ្នាំ ជាកសិករ មានទីលំនៅភូមិឡាប៉ាខេ ឃុំ ស្រែខ្ទុម ស្រុកកែវសីមា។
នគរបាលមូលដ្ឋានបានឱ្យដឹងថា ករណីនេះ គឺបង្កឡើងដោយខ្លួនឯង បណ្តាលឱ្យរងរបួសយ៉ាងធ្ងន់ធ្ងរ ។ក្រោយមក ក៏បានបញ្ចួនទៅសង្គ្រោះនៅមន្ទីពេទ្យប្រទេសវៀតណាមបាន២ថ្ងៃ ទើបជនរងគ្រោះស្លាប់។
ជាកត់សម្គាល់ គ្រោះថ្នាក់ចរាចរណ៍ខាងលើ គឺបានកើតឡើងជាញឹកញាប់ខ្លាំងណាស់ ខណៈដែលកំពុងមានដឹកជញ្ជូនឈើធំតាមម៉ូតូ ។
ចែករំលែកព័តមាននេះ