សម្តេចតេជោ៖ ប្រទេសវ៉េណេស៊ុយអេឡានឹងមានសង្គ្រាម…
- កំពត
រាជធានីភ្នំពេញ ៖ សម្តេចតេជោហ៊ុន សែន បានទស្សទាយថា នៅក្នុងប្រទេសវ៉េណេស៊ុយអេឡា នឹងកើតមានសង្គ្រាមជាមិនខាន នៅពេលខាងមុខនេះ ។ ការលើកឡើងនេះ…
រាជធានីភ្នំពេញ ៖ សម្តេចតេជោហ៊ុន សែន បានទស្សទាយថា នៅក្នុងប្រទេសវ៉េណេស៊ុយអេឡា នឹងកើតមានសង្គ្រាមជាមិនខាន នៅពេលខាងមុខនេះ ។ ការលើកឡើងនេះ ខណៈដែលសម្តេចតេជោ បានស្នើសុំដល់ថៅកែរោងចក្រ ព្រមទាំងកម្មករ-កម្មការិនី រួមគ្នារក្សាសន្តិភាព ដើម្បីធានានូវការអភិវឌ្ឍរបស់ប្រទេស។ គ្មានសន្តិភាពមិនអាចមានការអភិវឌ្ឍបានទេ ។
ក្នុងពិធីសំណេះសំណាលជាមួយកម្មករនាព្រឹក ថ្ងៃទី២៥ មករា នេះ ក្នុងខេត្តកំពត សម្តេចក៏បានលើកឡើងសម្តេចមិនយល់ករណី ដែលកំពុងកើតមាននៅក្នុងប្រទេសវ៉េណេស៊ុយអេឡាប្រធានាធិបតី ដែលជាប់ឆ្នោតហើយ កំពុងកាន់តំណែង អីលូវបែរជាសហរដ្ឋអាមេរិក និងប្រទេសមួយចំនួន បានប្រកាសទទួលស្គាល់មេបក្សប្រឆាំង ធ្វើជាប្រធានាធិបតី ដោយស្បថខ្លួនឯងចូលកាន់តំណែងទៅវិញ ។ សម្តេចក៏បានទស្សទាយថា ប្រទេសវ៉េណេស៊ុយអេឡា នឹងមានសង្គ្រាមកើតឡើងផងដែរ ។
សម្តេចបញ្ជាក់ថា «ខ្ញុំអាចទស្សទាយថា ប្រទេសនេះនឹងមានសង្គ្រាមជាមិនខានព្រោះថា ប្រធានាធិបតីនៅក្នុងតំណែងគាត់នឹងមិនដកថយទេ ។ នឹងវ៉ៃគ្នា ហេតុអីបានជាមានរឿងនេះ កើតឡើងប្រវត្តិសាស្ត្រលើពិភពលោក មិនដែលមានរឿងបែបនេះកើតឡើង ។ មេបក្សប្រឆាំងដែលមិនចូលរួមបោះឆ្នោត បែរត្រូវគេប្រកាសទទួលស្គាល់ជាប្រធានាធិបតី ហើយអានោះមុខក្រាសទៀត ស្បថចូលកាន់តំណែងម្នាក់ឯង ខ្លួនឯង» ។
ជាមួយគ្នានោះដែរ សម្តេចក៏បានលើកឡើងថា នៅកម្ពុជាមិនអាចមានករណីនេះកើតឡើងនោះទេ ។ សម្តេចថា៖«តិចកម្ពុជាមានករណីនេះកើតឡើង បានតាស៎! សាកលមើលទៅ ប្រកាសអ្នកណាមួយធ្វើជានាយករដ្ឋមន្ត្រីទៅ ជំនួសឲ្យព្រះមហាក្សត្រកម្ពុជា ទៅ ។ នៅឯណោះ សហរដ្ឋអាមេរិក និងប្រទេសមួយចំនួនប្រកាសជំនួស ប្រជាជនវ៉េណេស៊ុយអេឡា អស់ឆ្ងល់តែម្តង។ ត្រង់នឹងហើយដែលខ្ញុំទាមទារឲ្យមានការប្រយ័ត្នប្រហែងចំពោះសន្តិភា ពរបស់កម្ពុជា ។ មិនឲ្យបរទេសលូកដៃជាមួយអ្នកដែលនៅខាងក្នុង ប្រទេសដែលមានបំណង ចង់បំផ្លាញនូវសន្តិភាពដែលយើងស្វែងរកបានដោយលំបាកនោះទេ»៕
ចែករំលែកព័តមាននេះ