ខេត្តកោះកុង ៖ កាលពីរសៀលថ្ងៃទី២៤ ខែមករា ឆ្នាំ២០១៩ នៅការិយាល័យគយនិងរដ្ឋាករចាំយាម មានរៀបចំពិធីផ្លាស់ប្តូរសមាសភាពប្រធានការិយាល័យគយច្រកទ្វារអន្តរជាតិចាំយាម ក្រោមអធិបតីភាពលោក ផៃធូន ផ្លាមកេសន…
ខេត្តកោះកុង ៖ កាលពីរសៀលថ្ងៃទី២៤ ខែមករា ឆ្នាំ២០១៩ នៅការិយាល័យគយនិងរដ្ឋាករចាំយាម មានរៀបចំពិធីផ្លាស់ប្តូរសមាសភាពប្រធានការិយាល័យគយច្រកទ្វារអន្តរជាតិចាំយាម ក្រោមអធិបតីភាពលោក ផៃធូន ផ្លាមកេសន អភិបាលរងខេត្ត ជាតំណាងដ៏ខ្ពង់ខ្ពស់លោកជំទាវមិថុនា ភូថង អភិបាលនៃគណៈអភិបាលខេត្តកោះកុង លោកសំ កុសល ប្រធានសាខាគយនិងរដ្ឋាករខេត្តនិងជាតំណាងដ៏ខ្ពង់ខ្ពស់ លោកបណ្ឌិត គន្ឋ ញឹម អគ្គនាយកនៃអគ្គនាយកដ្ឋានគយ-រដ្ឋាកកម្ពុជា ព្រមទាំងមានការចូលរួមពីមន្ត្រីគយច្រកទ្វារចាំយាម ស្រែអំបិល ប៉ាក់ខ្លង រួមនឹងមន្ត្រីស្ថាប័នពាក់ព័ន្ឋនានាយ៉ាងច្រើនកុះករ ។
យោងតាមលិខិតបង្គាប់ការរបស់អគ្គនាយកដ្ឋានគយ-រដ្ឋាករកម្ពុជា ត្រូវបានផ្លាស់ប្តូរ ១- លោក នុត លី
ឆូយ ប្រធានការិយាល័យផែស្ងួត ថូលខេមបូឌា អោយមកបំរើការងារជាប្រធានការិយាល័យគយនិងរដ្ឋាករច្រកទ្វារអន្តរជាតិចាំយាម ។
២-លោក ថេង ម៉ុងហួន ប្រធានការយាល័យគយនិងរដ្ឋាករចាំយាម អោយមកបំរើការងារ ជាអនុប្រធានសាខាគយនិងរដ្ឋាករខេត្ត ។
បន្ទាប់ពីបានស្តាប់មតិផ្តាំផ្ញើរបស់គណៈអធិបតីដែលតំណាងដោយលោកផៃធូន ផ្លាមកេសន និងលោក សំ កុសល រួចមក លោក នុត លីឆូយ ប្រធានការិយាល័យ គយនិងរដ្ឋាករចាំយាមបានឡើងមានចំណាប់អារម្មណ៍និងធ្វើការប្តេជ្ញាចិត្តថា រក្សាចំណងមិត្តភាពសាមគ្គីភាពផ្ទៃក្នុង ស្ថាប័នពាក់ព័ន្ឋ អាជ្ញាធរដែនដី អោយបានល្អប្រសើរនិងស្និទ្ធស្នាល ទប់ស្កាត់និងបង្ក្រាបអោយបានជាស្ថាពរនូវរាល់បទល្មើសគេចពន្ឋ និងបទល្មើសផ្សេងៗទៀតឆ្លងកាត់ច្រកទ្វារអន្តរជាតិចាំយាម ខិតខំប្រមូលប្រាក់ពន្ឋរាល់មុខទំនិញឆ្លងកាត់ អោយបានតាមផែនការថ្នាក់លើបានកំណត់មួយរយភាគរយ ៕
ចែករំលែកព័តមាននេះ