រាជធានីភ្នំពេញ ៖ ដើម្បីសម្រួលដល់ការគ្រប់គ្រងប្រព័ន្ធរដ្ឋបាលសម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានស្នើសុំបង្កើត ក្រុង ស្រុក ខណ្ឌថ្មីចំនួន៦ ប ន្ថែមទៀត ។
យោងតាមលិខិតរបស់សម្តេចស ខេង ស្នើសុំសម្តេចតេជោ ហ៊ុន សែន នាយករដ្ឋមន្ត្រីដែលទើបតែចេញផ្សាយថ្មីៗនេះបានស្នើសុំបង្កើតក្រុង ស្រុក ខណ្ឌថ្មីមួយចំនួន ដើម្បីសម្រួលដល់ការគ្រប់គ្រងប្រព័ន្ធរដ្ឋបាល ។ ក្រុង ស្រុក ខណ្ឌ ដែលបង្កើតថ្មីនោះ គឺមានចំនួន៦ក្នុងនោះនៅក្នុងរាជធានីភ្នំពេញមានចំនួន២ខណ្ឌ ខេត្តព្រះសីហនុបង្កើតក្រុង១ ខេត្តស្ទឹងត្រែងបង្កើតក្រុង១ ខេត្តកំពង់ធំ បង្កើតស្រុក១ និងខេត្តពោធិសាត់បង្កើតស្រុក១ ។
ដោយផ្អែកតាមវិសោធនកម្មមាត្រា១៨ នៃច្បាប់គ្រប់គ្រងរដ្ឋបាលរាជធានី ខេត្ត ក្រុង ស្រុកខណ្ឌ នៅអាណត្តិនេះ សមាជិកក្រុមប្រឹក្សាមានការកើនឡើង គឺមានដូចខាងក្រោមនេះ ១-ក្រុមប្រឹក្សារាជធានីខេត្ត សរុបមានចំនួន៥៣៥រូប (កើន ១៤២រូប=៣៥%) ។ ២-ក្រុមប្រឹក្សាក្រុង ស្រុក ខណ្ឌ សរុបមានចំនួន៤១១៣រូប (កើន ១១៨២រូប=៤០%) ។ ៣-ក្រុង ស្រុក ខណ្ឌបង្កើតថ្មីមាន៦គឺ នៅរាជធានីភ្នំពេញ បង្កើតខណ្ឌថ្មីចំនួន២ គឺខណ្ឌបឹងកេងកង នៅក្នុងភូមិសាស្ត្រខណ្ឌចំការមនបច្ចុប្បន្ន និងខណ្ឌកំបូល នៅក្នុងភូមិសាស្ត្រខណ្ឌពោធិសែនជ័យ បច្ចុប្បន្ន ដោយកាត់យកសង្កាត់មួយចំនួនពីខណ្ឌពោធិសែនជ័យ និងខណ្ឌដង្កោ ។
ទី២ខេត្តព្រះសីហនុបង្កើតក្រុង១ (ក្រុងកោះរ៉ុង) ទី៣ខេត្តស្ទឹងត្រែងបង្កើតក្រុង១(ស្រុកបុរីអូរស្វាយសែនជ័យ) ទី៤ខេត្តកំពង់ធំបង្កើតក្រុង១ (ស្រុកតាំងគោក) ទី៥ខេត្តពោធិសាត់បង្កើតក្រុង១ (ស្រុកតាលោសែនជ័យ) ។
បើប្រភពបានឲ្យដឹងថា នៅក្នុងអនុក្រិត្យស្តីពីការបង្កើត ក្រុង ស្រុក ខណ្ឌ ថ្មីនេះ គឺបានចុះហត្ថលេខា ដោយសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃទី០៨ ខែមករា ឆ្នាំ២០១៩ ដែលទើបបែកធ្លាយកាលពីប៉ុន្មានថ្ងៃមុននេះ ។ បើតាមសំណើររបស់សម្តេច ស ខេងបានឲ្យដឹងថា ១-នៅរាជធានីភ្នំពេញមានខណ្ឌបឹងកេងកង មានចំនួនគណៈភិបាល៥នាក់ ខណ្ឌកំបូល មានចំនួនគណៈអភិបាល៥នាក់ ។ ២- ខេត្តព្រះសីហនុ បំបែងជាក្រុងកោះរ៉ុង មានចំនួនគណៈអភិបាល៥នាក់ ។ ៣- ខេត្តកំពង់ធំ ស្រុកតាំងគោក មានចំនួនគណៈអភិបាល៥នាក់ ។ ៤- ខេត្តពោធិសាតិ៍ ស្រុកតោលោកសែនជ័យ មានចំនួនគណៈអភិបាល៥នាក់ និង៥- ខេត្តស្ទឹងត្រែង ស្រុកបុរីអូរ ស្វាយសែនជ័យមានចំនួនគណៈអភិបាល៥នាក់ ។
គួររឮកថា ការសម្រេចបង្កើតក្រុង ស្រុក ខណ្ឌនេះបន្ទាប់ពីសេចក្តី ស្នើវិសោធនកម្ម ច្បាប់ស្តីពីការគ្រប់គ្រងរដ្ឋបាល រាជធានីខេត្ត ក្រុង ស្រុក ខណ្ឌ មាត្រា១៨ ត្រូវបានព្រឹទ្ធសភា អនុម័តកាលថ្មីៗកន្លងមក ។ ការធ្វើវិសោធនកម្មច្បាប់ស្តីពីការគ្រប់គ្រងរដ្ឋបាល ដើម្បីឆ្លើយតបទៅនឹងតម្រូវការរបស់ប្រជាពលរដ្ឋតាមមូលដ្ឋាននីមួយៗ ។
ទន្ទឹមនេះស្ថានភាពភូមិសាស្ត្រក៏ត្រូវបានកែសម្រួល និងកំណត់ឲ្យបានកាន់តែច្បាស់លាស់ ស្របតាមការអភិវឌ្ឍរីកចម្រើននៃសេដ្ឋកិច្ច និងសង្គមផងដែរ» ។ សេចក្តីស្នើច្បាប់ស្តីពីវិសោធនកម្មច្បាប់ស្តីពីការគ្រប់គ្រង រដ្ឋបាលរាជធានីភ្នំពេញ ខេត្ត ក្រុង ស្រុក ខណ្ឌ ត្រង់មាត្រា១៨ ដើម្បីកំណត់ចំនួនសមាជិក ក្រុម ប្រឹក្សារាជធានី ក្រុមប្រឹក្សា ខេត្ត ក្រុមប្រឹក្សា ក្រុង ក្រុមប្រឹក្សាខណ្ឌ ដែលសមាជិកក្រុមប្រឹក្សារាជធានីភ្នំពេញត្រូវបានបង្កើន២១រូបទៅដល់២៧រូប ។ សមាជិកក្រុមប្រឹក្សាខេត្តត្រូវបង្កើនចន្លោះពី១៥ដល់២៧រូប ។ សមាជិកក្រុមប្រឹក្សាក្រុង ត្រូវបង្កើនចន្លោះពី១១រូបដល់២១រូប ។ សមាជិកក្រុមប្រឹក្សាស្រុកក្រុមប្រឹក្សាខណ្ឌត្រូវបានបង្កើនចន្លោះពី១១ដល់២១រូប ៕
ចែករំលែកព័តមាននេះ