រាជធានីភ្នំពេញ៖តារាសម្តែងថ្មីម្នាក់បានបាត់បង់ជីវិតដោយសារលង់ទឹកស្លាប់ក្នុងដំណើរកម្សាន្តរបស់ខ្លួន ។ នេះជារឿងសោកសៅមួយក្នុងពិភពសិល្បៈ ។ តារាសម្ដែងរូបនោះគឺលោករ៉ាត់ ណាវ៉ាត់ ហៅសារ៉ាត់ បាត់បង់ជីវិតទាំងវ័យក្មេងធ្វើឲ្យគ្រួសារ និងមិត្តភក្តិជាច្រើនរបស់លោក ស្ដាយស្រណោះអាឡោះអាល័យជាខ្លាំង…
រាជធានីភ្នំពេញ៖តារាសម្តែងថ្មីម្នាក់បានបាត់បង់ជីវិតដោយសារលង់ទឹកស្លាប់ក្នុងដំណើរកម្សាន្តរបស់ខ្លួន ។ នេះជារឿងសោកសៅមួយក្នុងពិភពសិល្បៈ ។
តារាសម្ដែងរូបនោះគឺលោករ៉ាត់ ណាវ៉ាត់ ហៅសារ៉ាត់ បាត់បង់ជីវិតទាំងវ័យក្មេងធ្វើឲ្យគ្រួសារ និងមិត្តភក្តិជាច្រើនរបស់លោក ស្ដាយស្រណោះអាឡោះអាល័យជាខ្លាំង ។ ថ្ងៃទី២២ ខែមករា ឆ្នាំ២០១៩ ជាថ្ងៃដែលលោករ៉ាត់ ណាវ៉ាត់ បានទទួលមរណភាព ដោយសារលង់ទឹកក្នុងពេលធ្វើដំណើរកម្សាន្តជាមួយតារាសម្តែងលោកយូ ឌីស្កូ នៅខេត្តកំពត ។
ទោះជាយ៉ាងណាក្តីមិនទាន់មានការបញ្ជាក់ច្បាស់ចំពោះការលង់ទឹក និងទីកន្លែងកម្សាន្តនោះទេ ។ ចំណែកលោកយូ ឌីស្កូ ដែលរួមដំណើរជាមួយគ្នានោះក៏មិនទាន់អាចសុំការបំភ្លឺបានដែរ ។
មិត្តសិល្បៈដែលបានដឹងរឿងនេះបានជួយផ្សព្វផ្សាយតាមហ្វេសប៊ុក ជាការជូនដំណឹងដល់មិត្តរួមអាជីពជាតារាសម្តែង ។ សពបានតម្តល់ធ្វើបុណ្យនៅវត្តទឹកថ្លា ។
អ្នកសិល្បៈមួយចំនួនដែលបានទៅចូលរួមបុណ្យសពលោករ៉ាត់ ណាវ៉ាត់ បានសម្តែងភាពសោកសៅ និងសោកស្តាយចំពោះមរណភាពទាំងវ័យក្មេងរបស់តារាថ្មីមួយដួងនេះ ។ ពួកគេចាត់ទុកនេះជាគ្រោះអាក្រក់មួយដែលកើតទៅលើតារាសម្តែង ។
លោករ៉ាត់ ណាវ៉ាត់ ជាតារាថ្មីមួយដួងដែលកំពុងតែប្រឹងប្រែងសាងកេរ្តិ៍ឈ្មោះនៅក្នុងពិភពសិល្បៈ ។ មិនទាន់បានសម្រេចបំណងសិល្បៈរបស់ខ្លួនផងលោកក៏ជួបគ្រោះបាត់បង់ជីវិត ។
មានប្រភពព័ត៌មានឲ្យដឹងថារ៉ាត់ ណាវ៉ាត់ រស់នៅក្នុងវង្សត្រកូលគ្រួសារមួយមិនសូវធូរធារទេ ។ ដោយមាននិស្ស័យស្រលាញ់ចូលចិត្តសិល្បៈ និងដើម្បីជាអាជីព លោកបានចូលប្រឡូកក្នុងវិស័យនេះ ។
ចែករំលែកព័តមាននេះ