ខេត្តបាត់ដំបង ៖ សប្បុរសជនក្នុងខេត្តបាត់ដំបងបានជួយគាំទ្រដល់អង្គភាពវរៈសេនាតូចរថក្រោះរថពាស់ដែកលេខ៦៧បន្ថែមទៀត មានបង្គោលភ្លើងសូឡា បំភ្លឺផ្លូវ ក្នុងអង្គភាពបន្ទប់ទឹក និងអាគារស្នាក់នៅបន្ថែមទៀតដល់កងកម្លាំងរថក្រោះកំពុងរស់នៅក្នុងអង្គភាពឲ្យទទួលបានភាពល្អប្រសើរឡើងបន្ថែមទៀត ។
នេះជាមតិស្វាគមន៍ និងរបាយការណ៍របស់លោកវរសេនីយ៍ឯក ព្រហ្ម គឹម មេបញ្ជាការវរសេនាតូចរថក្រោះ រថពាស់ដែក ចំណុះឲ្យយោធភូមិភាគទី៥ ក្នុងកិច្ចប្រជុំបូកសរុបលទ្ធផល ការងារយោធាសន្តិសុខឆ្នាំ២០១៨ និងទិសដៅការងារយោធាសន្តិសុខឆ្នាំ២០១៩ របស់អង្គភាពនេះ កាលពីថ្ងៃទី២៤ ខែមករា ឆ្នាំ២០១៩ នៅទីបញ្ជាការរថក្រោះ រថពាស់ដែក ស្ថិតក្នុង ភូមិសាស្ត្រអូរដូនពៅ ឃុំឃ្លាំងមាស ស្រុកបវេល ខេត្តបាត់ដំបង ។
ក្រោមអធិបតីភាពរបស់ លោកឧត្តមសេនីយ៍ទោ សារី ហ្សាបឺត មេបញ្ជាការរងយោធភូមិភាគទី៥ តំណាងឯកឧត្តម ឧត្តមសេនីយ៍ឯក ប៊ុន សេង មេបញ្ជាការ រងកងទ័ពជើងគោក មេបញ្ជាការយោធភូមិភាគទី៥ និងមានការចូលរួមពីលោក ឧត្តមសេនីយ៍ត្រី យ៉ា រ័ត្ន នាយសេនាធិការរង នាយការិយាល័យយោធភូមិភាគទី៥ លោកអភិបាលនៃគណៈអភិបាលស្រុកបវេល លោកអធិការ មេបញ្ជាការរងផ្នែកសឹករង ស្រុកបវេល អាជ្ញាធរមូលដ្ឋានឃុំឃ្លាំងមាស ព្រមទាំងមេបញ្ជាការវរសេនាតូចចំណុះ នាយទាហាន នាយទាហានរង ពលទាហាន សាមីអង្គភាព សរុបប្រមាណជិត១០០នាក់។
បន្ទាប់ពីលោកវរសេនីយ៍ឯក ព្រហ្ម គឹម មេបញ្ជាការវរសេនាតូចរថក្រោះរថពាស់ដែកលេខ៦៧ បានស្វាគមន៍ និងបាយការណ៍រួចមកមានមតិពិភាក្សា ហើយបន្តមកលោកឧត្តមសេនីយ៍ទោ សារី ហ្សាបឺត បានផ្តល់កិត្តិយសប្រគល់ជូននូវប័ណ្ណសរសើរ លិខិតសរសើរ និងលិខិតថ្លែងអំណរគុណ ជូនដល់បុគ្គលមានស្នាដៃ និងសប្បុរសជន ជួយឧបត្ថម្ភ ឆ្នាំ២០១៨ ។
ចូលរួមមតិបូកសរុប លោកឧត្តមសេនីយ៍ទោ បានកោតសរសើរដល់អង្គភាពបានខិតខំអនុវត្តបានល្អរាល់បទបញ្ជា សារាចរ ផែនការរបស់ថ្នាក់លើដាក់ចុះបានល្អប្រសើរ ស្ដែងចេញពីការទទួលបាននូវការសរសើរពីថ្នាក់លើនាពេលនេះ ។ លទ្ធផលអនុវត្តឆ្នាំ២០១៨ កន្លងមកអាចឆ្លុះបញ្ចាំងពីចំណុចខ្វះខាតសម្រាប់ជាពិសោធន៍អនុវត្តនៅឆ្នាំ២០១៩ ឈរលើស្មារតី ពង្រឹងវិន័យសណ្តាប់ធ្នាប់ប្រឹងប្រែងលើកកម្ពស់សមត្ថភាពយល់ដឹងបង្កើនចំណេះដឹងកែប្រែភាពអវិជ្ជមានបំពេញភារកិច្ចបានល្អ ៕
ចែករំលែកព័តមាននេះ