ម្តាយ និងកូនពិតជាកំសត់ណាស់ ល្មមបានសម្រាល
- កំពង់ចាម
ខេត្តកំពង់ចាម ៖ កម្មការិនីម្នាក់ឈ្មោះ សុខ គឹមម៉េង អាយុ២៥ឆ្នាំ រស់នៅភូមិព្រៃគ្រី ឃុំព្រៃគ្រី ស្រុកជលគិរី ខេត្តកំពង់ឆ្នាំង…
ខេត្តកំពង់ចាម ៖ កម្មការិនីម្នាក់ឈ្មោះ សុខ គឹមម៉េង អាយុ២៥ឆ្នាំ រស់នៅភូមិព្រៃគ្រី ឃុំព្រៃគ្រី ស្រុកជលគិរី ខេត្តកំពង់ឆ្នាំង…
ខេត្តកំពង់ចាម ៖ កម្មការិនីម្នាក់ឈ្មោះ សុខ គឹមម៉េង អាយុ២៥ឆ្នាំ រស់នៅភូមិព្រៃគ្រី ឃុំព្រៃគ្រី ស្រុកជលគិរី ខេត្តកំពង់ឆ្នាំង មានផ្ទៃពោះគ្រប់ខែបានប្រសូត្រកូនដំបូង នៅមណ្ឌលសុខភាព នៅវេលាម៉ោង១២និង២០នាទីថ្ងៃទី២៣ មករា ២០១៩ ។
តែទងសុកមិនធ្លាក់ក៏បានធ្វើឲ្យសុខភាពមានអាការៈចុះខ្សោយ ហើយត្រូវបានដឹកតាមរថយន្តមកសង្គ្រោះមន្ទីរពេទ្យស្រុកបាធាយ និងបន្តនាំមកសង្គ្រោះនៅមន្ទីរពេទ្យខេត្តកំពង់ចាម ដោយក្រុមគ្រូពេទ្យបានសង្គ្រោះផុតពីគ្រោះថ្នាក់ដល់អាយុជីវិត ។
បុរសជាប្តីឈ្មោះ ដួង រីម អាយុ២៩ឆ្នាំ បានរៀបរាប់ប្រាប់ថា នៅវេលាម៉ោង៧ព្រឹកថ្ងៃខាងលើ ប្រពន្ធរបស់លោកបានចាប់ផ្តើមឈឺពោះតិចៗ ក៏បានដឹកតាមម៉ូតូមកកាន់មណ្ឌលសុខភាពព្រៃគ្រី ដើម្បីឲ្យគ្រូពេទ្យជួយបង្កើតកូនឲ្យ ការរង់ចាំរហូតដល់វេលាម៉ោង១២ថ្ងៃត្រង់ជាង ក៏ប្រសូត្របានកូនប្រុសមានទង្ងន់៣,១០គីឡូក្រាម ក្រោយពីសម្រាលលរួចទងសុកមិនធ្លាក់នោះទេ ដែលជាហេតុធ្វើឲ្យសុខភាពប្រពន្ធបានចុះខ្សោយបន្តិចម្តងៗគួរឲ្យព្រួយបារម្ភ ។
បុរសឈ្មោះ ដួង រីម ប្រាប់បន្តថា បន្ទាប់មករថយន្តរបស់មណ្ឌលសុខភាពបានដឹកមកបានតែពាក់កណ្តាលផ្លូវត្រង់ក៏មានរថយន្តសាមុយ០១គ្រឿង បានមកដឹកសាងប្រពន្ធរបស់ខ្លួនមកកាន់មន្ទីរពេទ្យបង្អែកស្រុកបាធាយ ខេត្តកំពង់ចាម បានតែក្នុងរយៈពេលខ្លីក៏ប្រញាប់ដឹកបន្តមកសង្គ្រោះនៅមន្ទីរពេទ្យខេត្ត ដោយក្រុមគ្រូពេទ្យបាននាំគ្នាជួយយ៉ាងស្រុះដៃជើង ។ រហូតមកដល់ព្រឹកថ្ងៃទី២៤ មករា សុខភាពប្រពន្ធបានគ្រាន់បើ និងបានហូបគុយទាវអាចនិយាយបានធម្មតាវិញ សព្វថ្ងៃប្រពន្ធជាកម្មការិនីនៅរោងចក្រមួយក្នុងរាជធានីភ្នំពេញ ។
លោកវេជ្ជបណ្ឌិត ណែម ប៊ុនធឿន ប្រធានផ្នែកសម្ភពរោគស្រី្ត នៅមន្ទីរពេទ្យខេត្តមានប្រសាសន៍ឲ្យដឹងដែរថា ដំបូងមានវិទ្យុក្នុងស្រុកបានផ្សាយពីកម្មការិនីខាងលើ ហើយដំណឹងនេះបានដឹងដល់លោកគួច ចំរើន អភិបាលខេត្តក៏បានឲ្យរថយន្តសាមុយទៅដឹកមកសង្គ្រោះនៅមន្ទីរពេទ្យខេត្ត ។ ពេលដែលរថយន្តដឹកមកដល់ត្រង់រង្វង់មូលត្រើង ទងសុកបានធ្លាក់ លុះមកដល់ពេទ្យខេត្តគ្រូពេទ្យបានសង្គ្រោះនៅល្ងាច ថ្ងៃទី២៣ មករា ២០១៩ និងបានបញ្ចូលឈាម០១ប្លោក រហូតមកដល់ព្រឹកថ្ងៃទី២៤ មករា សុខភាពបានល្អប្រសើរ ។ ហើយ (ប.ស.ស) បានចុះមកធ្វើប័ណ្ណជូបដោយរាល់ពេលដែលកម្មការិនីម្នាក់ប្រសូត្របានបុត្រម្នាក់នឹងត្រូវជូនថវិកាចំនួន៤០ម៉ឺនរៀល ។
ស្ត្រីកម្មការិនីខាងលើត្រូវបានសង្គ្រោះផុតពីគ្រោះថ្នាក់ដល់អាយុជីវិត ដោយសារតែនៅមន្ទីរពេទ្យខេត្តមានគ្រូពេទ្យជំនាញ និងមានឧបករណ៍បច្ចេកទេសគ្រប់គ្រាន់ក្នុងការសង្គ្រោះ ៕
ចែករំលែកព័តមាននេះ