ខេត្តបន្ទាយមានជ័យ ៖ អភិបាលរងខេត្តបានដាក់វិធានការលុបបំបាត់ច្រករបៀងល្មើសច្បាប់និងទប់ស្កាត់ពលករចំណាកស្រុក ទំនិញគេចពន្ធ និងបទល្មើស ត្រូវទប់ស្កាត់អោយខាងតែបាន ដែលលោកបានលើកឡើងក្នុងកិច្ចប្រជុំគណៈបញ្ជាការឯកភាពខេត្តកាលពីថ្ងៃទី២២ ខែមករាឆ្នាំ២០១៩នៅសាលប្រជុំសាលាខេត្តបន្ទាយមានជ័យ។
លោក អ៊ុ រាត្រី អភិបាលរងខេត្តបន្ទាយមានជ័យមានប្រសាសន៍កោតសសើរចំពោះកងកម្លាំងប្រដាប់អាវុធដែលកំពុងឈជើងតាមបន្ទាត់ព្រំដែនការពារបូរណភាពទឹកនិងមានតួនាទីការពាររាល់បទល្មើសតាមបន្ទាត់ព្រំដែនបានខិតយកចិត្តទុកដាក់ការពារដោយមិនគិតពីការនឿយហត់ដើម្បីមាតុភូមិ និងប្រជាពលរដ្ឋ។
លោកបានបញ្ជាក់ថា៖រយៈពេលកន្លងរាជរដ្ឋាភិបាលកម្ពុជាសម្តេចក្រឡាហម ស ខេង ឧបនាយករដ្ឋមន្ត្រីនិងរដ្ឋមន្ត្រីក្រសួងមហាផ្ទៃបានណែនាំដល់អាជ្ញាធរខេត្តជាប់ជាយដែននិងកងកម្លាំងប្រដាប់អាវុធដែលកំពុងឈជើងតាមបន្ទាត់ព្រំដែនត្រូវលុបបំបាត់អោយអស់នៅច្រករបៀងល្មើសច្បាប់តាមបន្ទាត់ព្រំដែន។
លោក អ៊ុ រាត្រី បានដាក់វិធានការដល់កម្លាំងដែលឈជើងតាមបន្ទាត់ព្រំដែនត្រូវអនុវត្តន៍អោយបានតាមបទបញ្ជាក្រសួងមហាផ្ទៃត្រូវលុបបំបាត់នៅច្រករបៀងល្មើសច្បាប់និងទប់ស្កាត់ពលករចំណាកស្រុក និងទំនិញគេចពន្ធ ធ្វើអោយបាត់ចំណូលរដ្ឋ និងបទល្មើសឆ្លងដែនត្រូវទប់ស្កាត់អោយបាននិងការពារសុវត្ថិ
ភាពជូនប្រជាពលរដ្ឋតាមបន្ទាត់ព្រំដែនជាពិសេសពង្រឹងការពារបូរណភាពទឹកដី៕
ចែករំលែកព័តមាននេះ