ខេត្តកំពង់ធំ ៖ តាមសេចក្តីរាយការណ៍បឋមបានឲ្យដឹងថា កាលពីវេលាម៉ោង៧យប់ ថ្ងៃទី២៣ ខែមករានេះ មានអំពើឃាតកម្មមួយចាក់សម្លាប់ស្ត្រីម្នាក់ នៅចំណុចខាងក្រោយផ្ទះជនរងគ្រោះ នៅភូមិសណ្តាន់ ឃុំចំណាក្រោម ស្រុកស្ទោង ខេត្តកំពង់ធំ តែជនជាឃាតករបានគេចខ្លួនបាត់ ។
សេចក្តីរាយការណ៍បានបន្តថា ជនរងគ្រោះក្នុងអំពើឃាតកម្មនោះមានឈ្មោះ មឹស ធន អាយុ៥១ឆ្នាំ រស់នៅភូមិកើតហេតុខាងលើ ។ ចំណែកជនរងគ្រោះមានស្លាកស្នាមនៅលើរូបរាងកាយ មានរបួសចំនួន៩កន្លែង ដោយកាំបិតមុខស្រួច ។
តាមការស្រាវជ្រាវជាបឋមរបស់សមត្ថកិច្ច គឺមានការសង្ស័យទៅលើឈ្មោះ ឆៅ យ៉េង ភេទប្រុស អាយុ៥៤ឆ្នាំ នៅភូមិជីអាប់ ឃុំចំណាក្រោម ស្រុកស្ទោង ខេត្តកំពង់ធំ ដែលបុរសនោះជាគូស្នេហ៍លួចលាក់របស់ជនរងគ្រោះអាចពាក់ពន្ធទៅនឹងអំពើឃាតកម្មនេះ ។ តែទោះយ៉ាងណាសមត្ថកិច្ចបានកំពុងធ្វើការស្រាវជ្រាវ វែកមុខជនជាឃាតករ ដើម្បីនាំមកផ្តន្ទាទោសតាមផ្លូវច្បាប់ ៕
ចែករំលែកព័តមាននេះ