រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានប្រកាសយ៉ាងម៉ឺងម៉ាត់ថា សម្តេចមិនទុកឲ្យអ្នកណាដែលមានគំនិតចង់បំផ្លាញរាជរដ្ឋាភិបាលស្របច្បាប់នៅលើកទឹកដីកម្ពុជានោះទេ ។
ការលើកឡើងរបស់សម្តេចតេជោក្នុងពិធីអបអរសាទរខួប២០ឆ្នាំថ្ងៃបង្កើតបញ្ជាការដ្ឋានកងទ័ពជើងគោកនៃកងយោធពលខេមរភូមិន្ទដែលពិធីនេះប្រាព្ធធ្វើឡើងនៅទីបញ្ជាការដ្ឋានកងទ័ពជើងគោក ស្ថិតនៅតាមបណ្តោយផ្លូវជាតិលេខ៤ ក្នុងសង្កាត់កន្ទោក ខណ្ឌពោធិ៍សែនជ័យ នាព្រឹកថ្ងៃទី២៤ មករា ឆ្នាំ២០១៩ ។
សម្តេចតេជោបានបញ្ជាក់យ៉ាងដូច្នេះថា ថ្ងៃនេះខ្ញុំសូមរំលឹកភារកិច្ចដ៏ចាំបាច់ និងត្រូវយកចិត្តទុកដាក់ត្រៀមខ្លួនរួចជាស្រេចការពារឯករាជ្យ អធិបតេយ្យបន្តអនុវត្តនៃខឿនការពារជាតិ របស់ប្រជាជន ។
សូមកុំភ្លេចថា នយោបាយការពារជាតិរបស់ហ៊ុន សែន តាំងពីដើមរហូតដល់ចប់ គឺខឿនការពារជាតិរបស់ប្រជាជន ។ កងទ័ពបានកើតចេញពីប្រជាជន និងធ្វើអ្វីៗ ដើម្បីសេចក្តីសុខរបស់ប្រជាជន ។ ប្រជាជន គឺជាប្រភពជ្រើសរើសទ័ព គឺជាប្រភពនៃការផ្គត់ផ្គងកម្លាំងទាំងកម្លាំងទ័ពកម្លាំងភស្តុភាង ។
សម្តេចបន្តថា ឃឿនរបស់ប្រជាជន គឺមិនសំដៅទៅលើកងទ័ពប៉ុន្មានម៉ឺននាក់នោះទេ ប៉ុន្តែសំដៅលើថា មនុស្សម្នាក់ គឺជាទាហានម្នាក់សម្រាប់ប្រជាជាតិរបស់យើង ។ ដូច្នេះត្រូវបន្តអនុវត្តបន្តទៀតនៃឃឿនការពារជាតិរបស់ប្រជាជន ដើម្បីធានាថា ប្រទេសរបស់យើង គឺជាប្រ ទេសរួមរបស់ប្រជាជនមិនមែនជាប្រទេសដោយឡែករបស់កងទ័ព ឬរបស់អ្នកណាមួយនោះទេ ។
សម្តេចបន្តថាកងទ័ពរួមគ្នារក្សាសន្តិភាព ស្ថេរភាពនយោបាយ សន្តិសុខសណ្តាប់ធ្នាប់សង្គមចូលរួមអនុវត្តភូមិមានសុវត្ថិភាពចូលរូមប្រយុទ្ធប្រឆាំងចោរកម្មគ្រឿងញៀនជួញដូរមនុស្ស និងអំពើអសកម្មភាពផ្សេងៗ ។ ត្រូវធ្វើប្រទេសរបស់យើងមានសុខសន្តិភាព ។ សម្តេចក៏បានគូសបញ្ជាក់ថា«ដោយតម្លៃណាក៏ដោយមិនត្រូវអនុញ្ញាតឲ្យអ្នកណាមួយបំផ្លាញនូវសន្តិភាពដែលយើងរកបានដោយលំបាក ។
ប្រទេសយើងមានប្រវត្តិដោយញើសឈាម និងទឹកភ្នែកប្រទេសយើងមានប្រវត្តិដោយការបែ កបាក់ ប្រទេសមួយកងកម្លាំងប្រដាប់អាវុធច្រើន ។ ដូច្នេះត្រូវចូលរួមរក្សាសន្តិសុខសណ្តាប់ធ្នាប់សង្គម ហើយខិតខំចូលរួម ដើម្បីបំផ្លាញអំពើអសកម្មទាំងអស់គ្រឿងញៀនល្បែងខុសច្បាប់…។ សម្តេចក៏បានដាក់បញ្ជាទៅកាន់កងទ័ពយ៉ាងដូច្នេះថា«ត្រូវវាយកម្ទេចចោលនូវឧបា យកលបដិវត្តន៍ពណ៌ ដែលប៉ុនប៉ងផ្តួលរំលំរដ្ឋាភិបាលស្របច្បាប់ តាមរយៈនយោបាយមិនប្រជាធិបតេយ្យ និងផ្ទុយនឹងរដ្ឋធម្មនុញ្ញ ។
កម្លាំងប្រដាប់អាវុធមានភារៈកិច្ចការពាររដ្ឋដូច្នេះមិនមែនអព្យាក្រឹត្យជាមួយពួកឧន្ទាមក្នុងព្រៃនិងឧន្ទាមទីក្រុង» ។ សម្តេចបានលើកឡើងទៀតថា កងកម្លាំងត្រូវចូលរួមប្រយុទ្ធប្រឆាំងជាមួយភាវកម្មគ្រប់ទម្រង់ដែលកំពុងកំរាមកំហែងពិភពលោក នៅពេលបច្ចុប្បន្ននេះមិនត្រូវឲ្យកម្ពុជាក្លាយទៅជាជម្រករបស់ភាវកម្ម ឬក៏ជាទីកន្លែងសម្រាប់វាយប្រហាភាវកម្មនោះទេ ។
យើងក៏ត្រូវផ្តល់កិច្ចសហប្រតិបត្តិការមួយប្រទេសលើពិភពលោក ។ សម្តេចបានគូសបញ្ជាក់ថា«យើងត្រូវកំចាត់ចោលជាបន្ទាន់នូវទម្រងភាវកម្មដោយមិនចាប់បាច់បទបញ្ជានូវទង្វើណាក៏ដោយ ដែលប៉ុនប៉ងដណ្តើមអំណាចក្រៅប្រព័ន្ធប្រជាធិបតេយ្យក្រៅប្រព័ន្ធបោះឆ្នោតដែលផ្ទុយនឹងរដ្ឋធម្មនុញ្ញ» ។
សម្តេចលើកឡើងថា កងទ័ពអាចអព្យាក្រឹត្យបានតែសម្រាប់បក្សនបាយ និងបក្សនយោបាយប៉ុណ្ណោះដូចជា ការពារឲ្យគ្រប់បក្សនយោបាយដែលចូលរួមជីវភាពនយោបាយនៅកម្ពុជា ប៉ុន្តែគ្មានទេអព្យាក្រឹត្យរាជរដ្ឋាភិបាលជាមួយនយោបាយផ្សេងៗ។ ការបង្កើតឡើងនៃកងកម្លាំងប្រដាប់អាវុធ និងកម្លាំងគ្រប់ជាន់ថ្នាក់ គឺសំដៅការពាររដ្ឋ ដូច្នេះមិនត្រូវទុកឲ្យអ្នកណាមួយមកបំផ្លាញរដ្ឋនោះទេ ។
សម្តេចបញ្ជាក់ទៀតថា «ប្រទេសមួយចំនួននៃបដិវត្តន៍ គឺចាប់ផ្តើមធ្វើអព្យាក្រឹត្យតូបនីយកម្មកងកម្លាំងប្រឆាំងអាវុធ ប៉ុន្តែខ្ញុំយល់ស្របទៅលើតូនីយកម្មជាមួយរដ្ឋបាលស៊ីវិល តែរវាងបក្ស និងបក្សប៉ុណ្ណោះ ។ ប៉ុន្តែរវាងបក្សនយោបាយជាមួយរដ្ឋ គឺគ្មានទេពាក្យអព្យាក្រឹត្យមានតែពាក្យ«វាយកម្សចោលប៉ុណ្ណោះ» ។
សម្តេចគូសបញ្ជាក់ទៀតថា «នេះសូមបញ្ជាក់ថា ដោយភាពម៉ឺងម៉ាត់ជាមួយអ្វីដែលកើតឡើង កុំចាំបាច់បទបញ្ជា បើយល់ឃើញថា វាមានគោលបំផ្លាញរដ្ឋផ្តួលរំលំរដ្ឋដែលមិនស្របទៅតាមច្បាប់តាមរដ្ឋធម្មនុញ្ញក្រោមបាវចនាជាតិ សាសនា ព្រះមហាក្សត្រ កម្លាំងប្រដាប់អាវុធគ្រប់ប្រភេទត្រូវចេញបង្ក្រាបឲ្យទាន់ពេលវេលា» ។ សម្តេចក៏បានលើកឡើងថា ស្លាប់មនុស្ស៤ ឬ៥នាក់ ប្រសើរជាងស្លាប់មនុស្សរាប់ម៉ឺនរាប់សែននាក់ ដូច្នេះរយៈពេលកន្លងមកនេះ ។
សម្តេចតេថា «ខ្ញុំមិនខ្លាចនូវការចេញបទបញ្ជាឲ្យកម្ទេសចោលនៃរាលកម្លាំងណាក៏ដោយ ដែលប៉ុនប៉ងផ្តួលរំលំរដ្ឋាភិបាលស្របច្បាប់ដែលកើតចេញពីការបោះឆ្នោតនោះទេ» ។ សម្តេចក៏បានលើកឡើងថា អគ្គបញ្ជាការដ្នានកងទ័ពទាំងអស់ត្រូវក្តាប់ឲ្យបាននូវរាល់សកម្មភាពណាដែលមានចប់ផ្តួលរំលំរដ្ឋ ដោយមិនអនុញ្ញាតឲ្យអ្នកម្នាក់ប្រហើន និងប្រមាថដល់រដ្ឋ និងធ្វើសកម្មភាពបំផ្លាញរដ្ឋ និងសន្តិសុខសន្តិភាពប្រទេស៕
ចែករំលែកព័តមាននេះ