រាជធានីភ្នំពេញ៖ បន្ទប់ជួលរបស់កម្មការីនីមួយកន្លែងនៅជាន់ទី៣ ត្រូវបានអគ្គីភ័យឆាបឆេះ បណ្តាលអោយសម្ភារៈមួយចំនួនត្រូវភ្លើងឆេះទាំងស្រុង ពេលម្ចាស់បានចាក់សោទុកចោល។ ហេតុការណ៍នេះបានបង្កអោយមានការភ្ញាក់ផ្អើលកាលពីវេលាម៉ោងប្រមាណ១១និង៣០នាទីថ្ងៃត្រង់ថ្ងៃទី២៤ ខែមករា នៅចំណុចជាន់ទី៣ ក្នុងភូមិទួលសង្កែសង្កាត់ទួលសង្កែ១ ខណ្ឌឫស្សីកែវ ។
តាមព័ត៌មានអោយដឹងថា នៅមុនពេលកើតហេតុ ម្ចាស់បន្ទប់ដែលគេអះអាងថាជាកម្មការីនីបានចាក់សោទុកចោល ហើយភ្លើងបានឆាបឆេះផ្សែងហុយ បង្កអោយមានការភ្ញាក់ផ្អើល ។ ភ្លាមៗរថយន្តពន្លត់អគ្គីភ័យចំនួន៤គ្រឿងទៅអន្តរាគមន៍ ដោយវាយបំបែកកញ្ចក់បាញ់អស់ទឹកចំនួន២រថយន្ត ហើយភ្លើងក៏បានរលត់ទៅវិញ ។
ទោះបីជាយ៉ាងណា សម្ភារៈមួយចំនួនក្នុងបន្ទប់នោះត្រូវភ្លើងឆេះគ្មានសល់ ។ ទាក់ទិននឹងការ កើតមានអគ្គីភ័យនេះ ត្រូវបាននគរបាលអោយដឹងថា បណ្តាលមកពីទុស្សេខ្សែភ្លើងចេញពីបំពង់ដាំទឹកក្តៅដែលម្ចាស់ដោតទុកចោល ៕
ចែករំលែកព័តមាននេះ