ខេត្តកំពង់ធំ ៖ សេចក្តីរាយការណ៍ឱ្យដឹងថា បុរសម្នាក់ខណៈកំពុងកាន់ដៃចង្កូតបើកម៉ូតូរបស់ខ្លួននោះ គឺបានបញ្ចេញកាយវិការដូចសំញែងអ្នកផង ដោយមិនប្រយ័ត្ននិងខ្លាចពីគ្រោះថ្នាក់ទាល់តែសោះ ។ ដោយជើងគាត់បានលើកទាំង២ដាក់លើម៉ូតូ និងគ្មានពាក់មួកសុវត្ថិភាពទៀតផង ជិះរេចុះរេឡើងពេញដងផ្លូវ ដែលបង្កឱ្យអ្នកដំណើរផ្សេងៗ ឃើញហួសចិត្ត និងស្រៀវជំនួសបុរសម្នាក់នោះ។
ស្តែង ហេតុការណ៍នេះបានកើតឡើងនៅព្រឹកថ្ងៃទី២៤ មករា នេះ ស្ថិតតាមបណ្តោយផ្លូវមួយ ទៅកាន់ខេត្តកំពង់ធំ ។ បុរសខាងលើមិនត្រូវបានស្គាល់ឈ្មោះទេ ដោយបើកម៉ូតូកញ្ចាស់មួយគ្រឿង គ្មានភ្លើង គ្មានកញ្ចក់នោះទេ ហើយវាយវិការគាត់វិញ ដូចជាខ្លួនគាត់ជាមនុស្សអស្ចារ្យម្នាក់ ។
ក៏ប៉ុន្តែនៅក្នុងសកម្មភាពរបស់គាត់ គឺបានធ្វើឱ្យអ្នកដំណើរតាមផ្លូវមានការអារម្មណ៍ថា ចុះបើគាត់ជួបគ្រោះថ្នាក់ដោយយថាហេតុ យ៉ាងណាវិញទៅ? ពេលគាត់មិនបារម្ភពីសុវត្ថិភាពរបស់ខ្លួនឯងនេះ។
យ៉ាងណាក៏ដោយ សូមបងប្អូនជាអ្នកដំណើរតាមផ្លូវទាំងអស់ មេត្តាកុំមើលស្រាលនូវគ្រោះថ្នាក់ឱ្យសោះ វានឹងអាចកើតឡើងបានគ្រប់ពេលវេលា បើយើងមិនប្រយ័ត្ន ។ សូមចងចាំផងថា ជីវិតយើងកើតបានតែម្តងទេ បើបាត់ហើយគឺមិនអាចត្រឡប់មកវិញឡើយ ។
ចែករំលែកព័តមាននេះ