ខេត្តកំពង់ធំ ៖ បុរសម្នាក់បានចងកសម្លាប់ខ្លួន ត្រូវបានប្រជាពលរដ្ឋប្រទះឃើញបង្កការភ្ញាក់ផ្អើលកាលពីព្រឹកថ្ងៃទី២៣ ខែមករា ឆ្នាំ២០១៩ នៅចំណុចព្រៃអ្នកតាអារក្សជ័យ ស្ថិតក្នុងភូមិថ្មី ឃុំទីពោ ស្រុកសន្ទុក…
ខេត្តកំពង់ធំ ៖ បុរសម្នាក់បានចងកសម្លាប់ខ្លួន ត្រូវបានប្រជាពលរដ្ឋប្រទះឃើញបង្កការភ្ញាក់ផ្អើលកាលពីព្រឹកថ្ងៃទី២៣ ខែមករា ឆ្នាំ២០១៩ នៅចំណុចព្រៃអ្នកតាអារក្សជ័យ ស្ថិតក្នុងភូមិថ្មី ឃុំទីពោ ស្រុកសន្ទុក ខេត្តកំពង់ធំ ។
ជនរងគ្រោះដែលស្លាប់ឈ្មោះ ជា រី ភេទប្រុស អាយុ២៤ឆ្នាំ រស់នៅភូមិឃុំកើតហេតុខាងលើ ។
បើតាមការបំភ្លឺរបស់ឈ្មោះ ផន រីន ភេទស្រី អាយុ៤៩ឆ្នាំ ត្រូវជាប្រពន្ធរបស់ជនរងគ្រោះបានរៀបរាប់ថា កាលពីថ្ងៃទី១៩ ខែមករា គាត់បានស្ដីបន្ទោសប្ដីរបស់គាត់យ៉ាងខ្លាំង ដោយសារតែប្តីគាត់បានខ្ចីម៉ូតូរបស់គេជិះទៅចូលរួមមង្គលការគេ ហើយក៏ដួល បណ្ដាលអោយខូចម៉ូតូ ពីព្រោះពួកគាត់កំពុងតែគ្មានលុយផង តើបានលុយឯណាយកម៉ូតូទៅជួសជុលសងគេ ។
ប្រភពដដែលបានបន្តថា ក្រោយពីគាត់ស្ដីបន្ទោសរួចហើយ ប្តីរបស់គាត់បានសុំកាតគ្រីម៉ូតូរបស់ខ្លួនយកទៅបញ្ចាំ ដើម្បីយកលុយទៅជួសជុលម៉ូតូសងគេ ហើយក៏បាត់ប្ដីតាំងពីថ្ងៃនោះរហូត ។
ក្រោយបាត់ប្ដីបានមិនឃើញមកផ្ទះ គាត់ក៏បានដើររកប្តីម្នាក់ឯងតាមព្រៃរបោះក្បែរៗភូមិដែរ តែមិនឃើញប្ដីត្រឡប់មកផ្ទះវិញ រហូតដល់ថ្ងៃទី២៣ ខែមករា ឆ្នាំ២០១៩ គាត់បានដើរទៅរកប្តី នៅតាមព្រៃរបោះខាងជើងភូមិចម្ងាយប្រមាណ៤០០ម៉ែត្រនៅចំណុចព្រៃអ្នកតាអារក្សជ័យ ក៏បានជួបជាមួយអ្នកភូមិកំពុងតែដើររកក្របី ក៏បានប្រទះឃើញសព ហើយអ្នកភូមិក៏ប្រាប់គាត់ឲ្យទៅមើល ។
ពេលទៅដល់ចំណុចកើតហេតុ ក៏ឃើញសពជាប្តីរបស់គាត់បានចងកនៅលើដើមពពេលសំយ៉ុងជើងផុតពីដីប្រមាណជាកន្លះម៉ែត្រ ក៏នាំគ្នាស្រាយយកសពមកដាក់ផ្ទាល់នឹងដី ហើយនាំគ្នា ត្រឡប់មកភូមិវិញបានប្រាប់អ្នកភូមិបានដឹងក៏នាំគ្នាផ្អើលឆោឡោ និងរាយការណ៍ទៅសមត្ថកិច្ចដើម្បីឱ្យចុះមកពិនិត្យមើល ។
ក្រោយបានដឹងព័ត៌មានខាងលើភ្លាម ជំនាញពិនិត្យទីកន្លែងកើតហេតុនៃអធិការដ្ឋាននគរបាលស្រុកសន្ទុកបានចុះដល់កន្លែងកើតហេតុ សហការជាមួយប៉ុស្តិ៍រដ្ឋបាល និងអាជ្ញាធរភូមិឃុំ ដើម្បីធ្វើការពិនិត្យទីកន្លែងកើតហេតុ និងសព ។
ក្នុងការពិនិត្យសព សមត្ថកិច្ចរកឃើញនៅលើ.កជនរងគ្រោះមានស្នាមទ្រុឌ ពណ៌ក្រម៉ៅ មានទំហំ១សង្ទីម៉ែត្រព័ទ្ធផ្នែកខាងមុខ ក្រៅពីនេះពុំមានស្លាកស្នាមអ្វីគួរឲ្យកត់សម្គាល់ឡើយ ក្រោយពិនិត្យចប់ សមត្ថកិច្ចបានធ្វើកំណត់ហេតុប្រគល់សពជូនសាច់ញាតិដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ