បុគ្គលណាខ្លាចអំពើបាបអកុសល ប្រព្រឹត្តធ្វើតែអំពើសុចរិត ប្រកបការងារត្រឹមត្រូវ ចិញ្ចឹមជីវិតដោយសម្មាអាជីវោ បណ្តុះចិត្តក្នុងការបរិច្ចាគទាន រក្សាសីល៥ ចាំសីល៨ជាដើម បុគ្គលនោះឈ្មោះថា រស់នៅដោយប្រាជ្ញា ដល់ព្រមដោយសេចក្តីថ្លៃថ្នូរ ។
ចំណែកព្រះសង្ឃវិញបានដល់ការប្រតិបត្តិតាមកិច្ចធម៌វិន័យយ៉ាងតឹងរ៉ឹង គឺធ្វើសីលឱ្យបរិសុទ្ធ គោរពឱ្យហ្មត់ចត់ សង្រួមឥន្ទ្រិយឱ្យមាំ យកវិន័យជាធំក្នុងការប្រតិបត្តិ ធ្វើចិត្តឱ្យផូរផង់ប្រាសចាកអំពើជាអកុសល កាន់ត្រៃសិក្ខាឱ្យខ្ជាប់ខ្ជួន ជីវិតរបស់អ្នកបួសនោះឈ្មោះថារស់នៅដោយបញ្ញា ។
សេចក្តីនេះស្របនឹងព្រះដ៏មានព្រះភាគដែលទ្រង់សម្តែងថា ការរស់នៅដោយប្រាជ្ញា ទើបជាជីវិតប្រសើរបំផុត បរិបូណ៌ដោយសិរីសួស្តី ។
ចែករំលែកព័តមាននេះ