ខេត្តស្វាយរៀង ៖ ប្រជាពលរដ្ឋស្រុកស្វាយជ្រំកំពុងព្រួយបារម្ភអំពីការខូច និងស្រុតផ្លូវដោយសារមានរថយន្តធុនយក្ស យីឌុប វ៉េអងដឹកអេតចាយរាប់សិបគ្រឿងកំពុងធ្វើចរាចរណ៍ដឹកអេតចាយឆ្លងកាត់ពីផ្លូវជាតិលេខ១ ក្នុងស្រុកស្វាយជ្រំកាត់តាមឃុំចំនួន៣គឺឃុំតាសួស ឃុំក្រួស និងឃុំចំបក់ឆ្ពោះ ទៅច្រករបៀងព្រំដែនតានូ…
ខេត្តស្វាយរៀង ៖ ប្រជាពលរដ្ឋស្រុកស្វាយជ្រំកំពុងព្រួយបារម្ភអំពីការខូច និងស្រុតផ្លូវដោយសារមានរថយន្តធុនយក្ស យីឌុប វ៉េអងដឹកអេតចាយរាប់សិបគ្រឿងកំពុងធ្វើចរាចរណ៍ដឹកអេតចាយឆ្លងកាត់ពីផ្លូវជាតិលេខ១ ក្នុងស្រុកស្វាយជ្រំកាត់តាមឃុំចំនួន៣គឺឃុំតាសួស ឃុំក្រួស និងឃុំចំបក់ឆ្ពោះ ទៅច្រករបៀងព្រំដែនតានូ ស្ថិតនៅភូមិតានូ ឃុំចំបក់ ស្រុកស្វាយជ្រំបង្កឲ្យខូចខាតផ្លូវក្រហេងក្រហូងពិបាកធ្វើដំណើរ ខណៈអាជ្ញាធរទើបតែជួសជុលមិនទាន់រួចរាល់នៅឡើយ ត្រូវក្រុមឈ្មួញបន្តដឹកបំផ្លាញទៀត។
បើតាមប្រជាពលរដ្ឋនៅមូលដ្ឋានឃុំក្រួសបានឲ្យដឹងថា ផ្លូវក្រួសក្រហមប្រវែង១៧គីឡូម៉ែត្រចុះពីផ្លូវជាតិលេខ១ឆ្ពោះទៅច្រករបៀងព្រំដែនតានូកំពុងប្រឈមនូវការបាក់ស្រុតខូច បើអាជ្ញាធរគ្មានវិធានការទប់ស្កាត់ទេនោះ។
សូមរំលឹកផងដែរ កន្លងមកក្រុមឈ្មួញបានប្រើប្រាស់រថយន្តធុនយក្សយីឌុប និងរថយន្តវ៉េអងដឹកអេតចាយចាប់ពី៣០តោនទៅ៥០តោនបានបំផ្លាញផ្លូវក្រាលក្រួសក្រហមចំនួន២ខ្សែ ប្រវែង១៧គីឡូម៉ែត្រ ក្លាយជារណ្តៅថ្លុកក្របី ពិបាកធ្វើដំណើរយ៉ាងខ្លាំង ហើយប្រជាពលរដ្ឋបានសុំឲ្យអ្នកសារព័ត៌មានចុះផ្សាយដើម្បីឱ្យដំណឹងនេះបានដល់លោកអភិបាលខេត្តស្វាយរៀង បានដាក់បញ្ជាឲ្យសមត្ថកិច្ចចុះបង្ក្រាប និងបានឲ្យមន្ទីរសាធារណការនិងដឹកជញ្ជូនខេត្តបើកការជួសជុល ផ្លូវឡើងវិញដើម្បីឲ្យប្រជាពលរដ្ឋនិងសិស្សានុសិស្សធ្វើដំណើរបានស្រួល។
ក៏ប៉ុន្តែការជួសជុលរបស់អាជ្ញាធរមិនទាន់បានរួចរាល់ផង ក្រុមឈ្មួញបានឃុបឃិតជាមួយសមត្ថកិច្ចនគបាលវរការពារព្រំដែនឈរជើងនៅច្រករបៀងតានូ និងមន្ត្រីខិលខូចមួយចំនួនបើកដៃឲ្យឈ្មួញប្រើប្រាស់រថយន្តធុនយក្សដឹកអេតចាយបំផ្លាញផ្លូវបន្តទៀត ដូច្នេះសូមអំពាវនាវដល់លោកអភិបាលខេត្តមេត្តាជួយអន្តរាគមន៍ ៕
ចែករំលែកព័តមាននេះ