AFP ពីក្រុងតូក្យូផ្សាយថាលោកតា Masazo Nonaka បុរសវ័យចំណាស់បំផុតនៅលើពិភពលោកបានស្លាប់បាត់បង់ជីវិតកាលពីព្រឹកថ្ងៃទី២០ មករា២០១៩នៅផ្ទះក្នុងក្រុងAshoro កោះហុកកៃដូក្នុងអាយុ១១២ឆ្នាំ និង២៥៩ថ្ងៃ ។ លោកតា…
AFP ពីក្រុងតូក្យូផ្សាយថាលោកតា Masazo Nonaka បុរសវ័យចំណាស់បំផុតនៅលើពិភពលោកបានស្លាប់បាត់បង់ជីវិតកាលពីព្រឹកថ្ងៃទី២០ មករា២០១៩នៅផ្ទះក្នុងក្រុងAshoro កោះហុកកៃដូក្នុងអាយុ១១២ឆ្នាំ និង២៥៩ថ្ងៃ ។
លោកតា Masazo Nonaka កើតនៅថ្ងៃទី២៥ កក្កដា១៩០៥ ក្រុងអាសូរ៉ូក្នុងក្រុមគ្រួសារដ៏ស្ដុកស្ដម្ភមួយ មានបងប្អូន៨នាក់ បុរស៧នាក់ និងស្ត្រី១នាក់ ប៉ុន្តែបងប្អូនបានស្លាប់អស់ ។ លោកតារៀបការកាលពីឆ្នាំ១៩៣១ មានកូន៥នាក់ ប្រពន្ធ និងកូន៣នាក់ស្លាប់បាត់បង់ជីវិត បច្ចុប្បន្នមានមុខជំនួញជាម្ចាស់សណ្ឋាគារស្នងបន្តពីលោកស្រី Yoko Nonaka ជាចៅស្រី ។
ជប៉ុនជាប្រទេសមួយដែលប្រជាជនមានអាយុវែងបំផុតនៅលើពិភពលោក ។ តាមតួលេខរបស់ក្រសួងសុខាភិបាលជប៉ុនក្នុងខែកញ្ញា២០១៨បង្ហាញថាមានពលរដ្ឋអាយុពី១០០ឆ្នាំឡើងសរុប៦៩.៧៨៥នាក់ជិត៩០ភាគរយក្នុងចំនួននេះជាស្ត្រី។
បច្ចុប្បន្នបុគ្គលមានអាយុច្រើនបំផុតដែលបានទទួលស្គាល់ពីសៀវភៅ«គីនណេសប៊ុក» ជាជនជាតិជប៉ុនគឺលោកយាយ Kane Tanaka អាយុ១១៦ឆ្នាំ ។ ចំណែកឯតទគ្គកម្មបុគ្គលមានអាយុវែងបំផុតធ្លាប់មានការចុះឈ្មោះក្នុងពេលបច្ចុប្បន្នគឺលោកយាយJeanne Louise Calment ជនជាតិបារាំងស្លាប់បាត់បង់ជីវិតកាលពីឆ្នាំ២០០៧ ក្នុងអាយុ១២២ឆ្នាំ ៕
ចែករំលែកព័តមាននេះ