ខេត្តក្រចេះ៖ ទណ្ឌិតដែលកំពុងតែអនុវត្តទោសចំនួន៨នាក់ ក្នុងនោះមាន៧នាក់ត្រូវបាន លើកលែងទោស និង១នាក់ត្រូវបានបន្ឋូរបន្ថយទោសរយៈពេល៩ខែ ក្នុងឱកាសអបអរសាទរខួបលើកទី២០នៃទិវានយោបាយឈ្នះឈ្នះរបស់សម្តេចតេជោ កាលពីព្រឹកថ្ងៃទី២២ មករា ២០១៩ នៅពន្ឋនាគារខេត្ត ។
ប្រធានពន្ឋនាគារខេត្តក្រចេះលោក ក្វា សារ៉ន បានថ្លែងប្រាប់ឲ្យដឹងដែរថា ទណ្ឌិតដែល ត្រូវបានព្រះ
មហាក្សត្រចេញព្រះរាជក្រិត្យលើកលែងទោស និងបន្ឋូរបន្ថយទោសទាំងអស់នេះ កន្លងមកការអនុវត្តទោសរបស់ពួកគេនៅក្នុងពន្ឋនាគារខេត្តគឺសុទ្ឋតែមានកិរិយាមាយាទល្អ។
ដោយលោកបានបញ្ជាក់ថា សព្វថ្ងៃពន្ឋនាគារខេត្តក្រចេះ មានទណ្ឌិតនិងពិរុទ្ឋជនចំនួន ៥៧៧នាក់ ក្នុងនោះស្រីចំនួន៨១នាក់។
ជាមួយគ្នានេះ នៅក្នុងពន្ឋនាគារ សព្វថ្ងៃក៏មានការបណ្តុះបណ្តាលវិជ្ជាជីវៈដល់អ្នកជាប់ ទោសមាន៤មុខជំនាញ ក្នុងនោះរួមមាន ១-ការរៀនអក្ខរកម្ម ២-កាត់ដេរ ៣-រៀនកុំព្យូទ័រ និង ៤-ផ្សាដែក។
ព្រះរាជអាជ្ញាអមសាលាដំបូងខេត្ត លោក កែវ សុជាតិ ដែលបានអញ្ជើញក្នុងពិធីលើក លែងទោសដល់ទណ្ឌិតនៅក្នុងពន្ឋនាគារខេត្ត បានមានប្រសាសន៍ផ្តាំផ្ញើរដល់ទណ្ឌិតដែល កំពុងតែអនុវត្តទោសនៅក្នុងពន្ឋនាគារ ត្រូវខិតខំបន្តអប់រំកែប្រែខ្លួន ផ្លាស់ប្តូរឥរិយាបទដែលធ្លាប់តែប្រព្រឹត្តសកម្មភាពខុសច្បាប់សង្គម។
លោកព្រះរាជាអាជ្ញារក៏បានផ្តាំផ្ញើបន្ថែមដល់ទណ្ឌិតដែលត្រូវបានលើកលែងឲ្យមានសេរីភាពវិញ ត្រូវខិតខំកែខ្លួនបន្ថែមមានអាជីពការងារឲ្យបាន ច្បាស់លាស់ ដើម្បីឲ្យក្លាយជាពលរដ្ឋល្អរស់នៅក្នុងគ្រួសារដែលមានសេចក្តីថ្លៃថ្នូរ នៅក្នុងសង្គមដែលកំពុងតែអភិវឌ្ឍន៍៕
ចែករំលែកព័តមាននេះ