តម្លៃប្រេងសាំងចុះថោក គឺជារឿងល្អដែលអាចជួយសន្សំសំចៃដល់ការចំណាយក្នុងការធ្វើដំណើរ តែប្រសិនបើអ្នកអាចសន្សំការស៊ីសាំងទៀតនោះគឺកាន់តែល្អ ។ ខាងក្រោមនេះគឺជាវិធីទាំង៥ដែលអាចជួយឱ្យរថយន្តរបស់លោកអ្នកស៊ីសាំងតិចជាងមុន ៖ ១-កាត់បន្ថយការចាញ់ខ្យល់ តើអ្នកឆ្ងល់ដែរឬអត់ថា ហេតុអ្វីបានជារថយន្តប្រណាំងមានកម្ពស់ទាបៗស្ទើរតែស្មើដី? នេះក៏ព្រោះតែគេចង់កាត់បន្ថយការចាញ់ខ្យល់…
តម្លៃប្រេងសាំងចុះថោក គឺជារឿងល្អដែលអាចជួយសន្សំសំចៃដល់ការចំណាយក្នុងការធ្វើដំណើរ តែប្រសិនបើអ្នកអាចសន្សំការស៊ីសាំងទៀតនោះគឺកាន់តែល្អ ។ ខាងក្រោមនេះគឺជាវិធីទាំង៥ដែលអាចជួយឱ្យរថយន្តរបស់លោកអ្នកស៊ីសាំងតិចជាងមុន ៖
១-កាត់បន្ថយការចាញ់ខ្យល់
តើអ្នកឆ្ងល់ដែរឬអត់ថា ហេតុអ្វីបានជារថយន្តប្រណាំងមានកម្ពស់ទាបៗស្ទើរតែស្មើដី? នេះក៏ព្រោះតែគេចង់កាត់បន្ថយការចាញ់ខ្យល់ និងបង្កើនការទប់លំនឹងរថយន្ត ។
ការចាញ់ខ្យល់គឺពិតជាជម្រុញឱ្យម៉ាស៊ីនរថយន្តរបស់អ្នកប្រឹងខ្លាំងជាងធម្មតាដែលធ្វើឱ្យមានការស៊ីសាំងកាន់តែច្រើន ។ ដូចនេះសូមបិទកញ្ចក់ និងយកអ្វីៗមានលើដំបូលរថយន្តចេញ ពេលដែលមិនត្រូវការ ។
២-បើកល្បឿនមិនកញ្ឆក់
អ្នកត្រូវតែប្រយ័ត្ន ហើយត្រៀមខ្លួនរួចជាស្រេចដើម្បីចៀសវាងការជាន់ហ្វ្រាំងភ្លាមៗ ។ ការជាន់ហ្វ្រាំងបែបនេះគឺធ្វើឱ្យរថយន្តរបស់អ្នកប្រឹងម៉ាស៊ីនអត់ប្រយោជន៍តែបែរជាត្រូវឈប់ទៅវិញ ។
៣-ពិនិត្យមើលសំបកកង់
សប់កង់អស់ថ្លៃត្រឹម១ដុល្លារចំពោះកង់ទាំង៤គ្រាប់ តែវាពិតជាសំខាន់ណាស់ក្នុងការសន្សំសំចៃសាំង ។ ពេលខ្យល់ក្នុងកង់មិនគ្រប់ម៉ាស៊ីនរថយន្តត្រូវប្រឹងលើសធម្មតា ។ ដូចនេះយើងត្រូវសប់ឱ្យតឹងល្អតាមការកំណត់ ។
៤-កាត់បន្ថយទម្ងន់
តើនរណាខ្លះចូលចិត្តយករថយន្តធ្វើជាផ្ទះចល័ត? មិនថា ខោអាវ សៀវភៅ ដបទឹក ឬ អ្វីៗផ្សេងទៀតគឺសុទ្ធតែមាននៅក្នុងរថយន្តទាំងអស់ ។ ប្រសិនបើចង់សន្សំសាំងសូមយកវាចេញទៅព្រោះថា ទម្ងន់គឺជាសត្រូវរបស់ល្បឿន ។
៥-បើករថយន្តលេខដៃ
គេរកឃើញថា រថយន្តលេខអូតូមានកម្រិតស៊ីសាំងជាងរថយន្តលេខដៃ ប្រហែល ១០%ទៅ១៥% ។ នេះគឺជាធម្មជាតិរបស់វាទៅហើយ ប្រសិនបើយើងយករថយន្តម៉ូដែលពីរដូចគ្នា មកប្រៀបធៀប ៕
ចែករំលែកព័តមាននេះ