ខេត្តក្រចេះ ៖ សេចក្តីរាយការណ៍ឱ្យដឹងថា បុរសម្នាក់ត្រូវកម្លាំងនគរបាលស្រុកសំបូរចុះទៅឃាត់ខ្លួន ក្រោយបែកធ្លាយរឿងចាប់រំលោភលើកូនស្រីបង្កើតរបស់ខ្លួនមិនទាន់គ្រប់អាយុម្នាក់បានសម្រេច
រហូតជាង១០លើកឯណោះ ។ ជនសង្ស័យរូបនេះ ឈ្មោះឆេន សុភាព អាយុ៥៣ឆ្នាំ រស់នៅឃុំអូរគ្រៀង ស្រុកសំបូរ ត្រូវបាននគរបាលចាប់ខ្លួនកាលពីថ្ងៃទី២២ មករា ។
សេចក្តីរាយការណ៍បន្តថា ការឃាត់ខ្លួនគឺធ្វើឡើងតាមពាក្យបណ្តឹងរបស់ប្រពន្ធ ដែលត្រូវជាម្តាយកូនស្រីរងគ្រោះអាយុ១៣ឆ្នាំ ដែលជាកូនស្រីពៅ ក្នុងចំណោមបងប្អូន៣នាក់ (ស្រី២នាក់) ។ ស្ត្រីជាម្តាយក្មេងស្រីរងគ្រោះ គឺជាស្ត្រីមេម៉ាយ មានកូន២នាក់ ស្រី១នាក់ប្រុស១នាក់ ។ ហើយគាត់បានមកយកបុរសសង្ស័យខាងលើ ដោយបានកូនស្រីម្នាក់ទៀត ដែលជារងគ្រោះនេះ ។
នគរបាលបានស្រង់សម្តីកូនស្រីរងគ្រោះថា កាលពីខែតុលា ឆ្នាំ២០១៨ កន្លងទៅ នៅពេលម្តាយជាប់រវល់មកមើលថែបងស្រីដែលសម្រាលកូននៅខេត្តកំពង់ចាម ឪពុកនាងបានមកចាប់នាងរំលោភរហូតបានសម្រេច ។ នាងបន្តថា រាល់ការធ្វើសកម្មភាពចាប់រំលោភ ឪពុកតែងតែគំរាមសម្លាប់នាងជានិច្ច ប្រសិន
បើនាងហ៊ានយករឿងនេះទៅប្រាប់ម្តាយ ឬនរណាផ្សេងទៀត ។
ប៉ុន្តែនៅថ្ងៃទី១៤ មករា ខណៈជនសង្ស័យទៅចូលរួមមង្គលការបងប្អូននៅខេត្តរតនគីរី នាងក៏បានយករឿងទាំងនេះប្រាប់ម្តាយ ទើបដឹងនិងមកពាក្យមកនគរបាលមូលដ្ឋានឱ្យជួយអន្តរាគមន៍តែម្តង ។ ជនសង្ស័យជាឪពុកបង្កើតបានសារភាពថា «រូបគេពិតជាបានធ្វើសកម្មភាពរំលោភកូនស្រីខ្លួនឯង ដូចដែលកូនបាននិយាយមែន» ។
ចែករំលែកព័តមាននេះ