រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះ លោក គង់ គាំ បានចូលទៅបំភ្លឺនៅសាលាដំបូងរាជធានីភ្នំពេញ កាលពីព្រឹកថ្ងៃទី២៣ ខែមករា…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះ លោក គង់ គាំ បានចូលទៅបំភ្លឺនៅសាលាដំបូងរាជធានីភ្នំពេញ កាលពីព្រឹកថ្ងៃទី២៣ ខែមករា ឆ្នាំ២០១៩នេះ តាមដីកាកោះរបស់លោក គី ឬទ្ធី ចៅក្រមស៊ើបសួរជាសាក្សីក្នុងដំណើររឿងដែលពាក់ព័ន្ធនឹងសំណុំរឿងព្រហ្មទណ្ឌលេខ៥៦៤២ ចុះថ្ងៃទី០៣ ខែកញ្ញា ឆ្នាំ២០១៧ ដែលមានជនត្រូវចោទឈ្មោះ កឹម សុខា ភេទប្រុស អាយុ៦៤ឆ្នាំ ជាប់ចោទពីសន្ធិដ្ឋិភាពជាមួយបរទេស (ក្បត់ជាតិ) តាមមាត្រា៤៤៣ នៃក្រមព្រហ្មទណ្ឌ នៃព្រះរាជាណាចក្រកម្ពុជា។
សូមបញ្ជាក់ផងដែរថា លោក គង់ គាំ គឺជាសាក្សីម្នាក់ ក្នុងចំណោមសាក្សីជិត១០នាក់ដែលចៅក្រម គី ឬទ្ធី បានកោះឲ្យចូលបំភ្លឺក្នុងសំណុំរឿងលោក កឹម សុខា ចាប់តាំងពីជនត្រូវចោទបានចាប់ខ្លួន និងឃុំខ្លួនជាង១ឆ្នាំមិនទាន់ឈានដល់ការបើកសវនាការ។
សាក្សីដែលមានចូលបំភ្លឺរួចមានលោក ឈឹម ផលវរុណ អ្នកស្រី ចក់ សុភាព និងសាក្សីមួយចំនួនទៀត មិនបានចូលបំភ្លឺតាមការកោះដូចជា លោក ម៉ម សូណង់ដូ លោកប៉ា ងួនទៀង ជាដើម។
ហើយរហូតដល់ពេលនេះ សំណុំរឿងលោក កឹម សុខា តុលាការបានអះអាងថា មិនទាន់ទិនការស៊ើបសួរទេ ហើយជនត្រូវចោទកំពុងដាក់ឲ្យស្ថិតនៅក្រោមការត្រួតពិនិត្យរបស់តុលាការ (ឃុំខ្លួនក្នុងផ្ទះ) ជាបណ្តោះអាសន្ន)។
ចែករំលែកព័តមាននេះ