ខេត្តបន្ទាយមានជ័យ ៖ អភិបាលរងស្រុកមង្គលបូរីថា ស្រូវប្រាំងធ្វើលើកទីពីរដែលមិនទាន់បានប្រមូលផលមានប្រមាណជិត៥០០០ហិកតាទៀតនៅក្នុងស្រុកមង្គលបូរី ។ ជាក់ស្តែងគេឃើញនៅខាងភូមិននាងកេត ឃុំឬស្សីក្រោក ស្រុកមង្គលបូរី នៅថ្ងៃទី២១ ខែមករា…
ខេត្តបន្ទាយមានជ័យ ៖ អភិបាលរងស្រុកមង្គលបូរីថា ស្រូវប្រាំងធ្វើលើកទីពីរដែលមិនទាន់បានប្រមូលផលមានប្រមាណជិត៥០០០ហិកតាទៀតនៅក្នុងស្រុកមង្គលបូរី ។
ជាក់ស្តែងគេឃើញនៅខាងភូមិននាងកេត ឃុំឬស្សីក្រោក ស្រុកមង្គលបូរី នៅថ្ងៃទី២១ ខែមករា ឆ្នាំ២០១៩ វាលស្រែងខាងត្បូងភូមិជាច្រើនហិកតាមិនទាន់បានប្រមូលផលដែលភាគច្រើនជាប្រភេទស្រូវសែនក្រអូប ដែលមានមួយចំនួនកំពុងទុំ តែមិនទានប្រមូលផល និងមួយចំនួនធំស្រូវមិនទាន់ទុំប្រមូលមិនទាន់បាន ។
ប្រជាកសិករបានបញ្ជាក់ថា ស្រូវដែលធ្វើនៅខាងត្បូងភូមិនាងកេត ឃុំឬស្សីក្រោក នេះជាប្រភេទស្រូវសែនក្រអូបដែលប្រជាកសិករធ្វើលើកទី២ ហើយខ្លះកំពុងទុំមិនទាន់ប្រមូលផលបាន និងខ្លះទៀតនៅខ្ចីមិនទាន់ប្រមូលផលដែលប្រើប្រាស់ទឹកស្ទឹងបញ្ចូលស្រែអាចថា គ្រប់គ្រាន់ ។
លោក ពិន សេងហាប់ អភិបាលរងស្រុកមង្គលបូរីបានបញ្ជាក់ថា នៅក្នុងស្រុកមង្គលបូរីស្រូវប្រាំងប្រភេទស្រូវសែក្រអូបដែលបង្កបង្កើនផលលើកទី២នេះមានប្រមាណជិត៥០០០ហិកតាឯណោះដែលមិនទាន់បានប្រមូលផលនៅឡើយអាចនៅអំឡុងខែមករា និងខែកុម្ភៈ ឆ្នាំ២០១៩ នេះប្រមូលផលអស់ ។
លោកបានបញ្ជាក់ថា រាជរដ្ឋាភិបាលកម្ពុជាបានហាម និងណែនាំដល់ក្រសួងជំនាញ និងខេត្តត្រូវបំរាមអោយប្រជាកសិករបង្កបង្កើនផលស្រូវមួយរដូវបានតែមួយលើក និងដាំដុះដំណាំនៅរដូវប្រាំង ដំណាំណាដែលប្រើប្រាស់ទឹកតិចដើម្បីរក្សាទឹកទុកប្រើប្រាស់នៅរដូវប្រាំងដែលខ្វះខាតទឹក ហើយត្រូវចូលរួមទាំងអស់មិនត្រូវធ្វើស្រូវប្រាំងលើសពីមួយលើក និងដំណាំដាំដុះប្រើប្រាស់ទឹកច្រើនហើយមិនត្រូវបូម បឹង ស្រះ ប្រឡាយ ត្រូវចូលរួមរក្សាទឹកទុកប្រើប្រាស់ទាំងអស់គ្នា ៕
ចែករំលែកព័តមាននេះ