ខេត្តកំពង់ស្ពឺ ៖ បន្ទាប់ពីការចេញផ្សាយលើគេហទំព័រសារព័ត៌មានកោះសន្តិភាព លើជីវិតដ៏កម្សត់និងការ
តស៑ូរបស់លោកតាពិការភ្នែកឡើងត្នោតយកប្រាក់មកចិញ្ចឹមជីវិត ក៏បានធ្វើឱ្យសប្បុរសជនមានចិត្តអាណិតសន្តោសដល់លោកតាជាខ្លាំង ក្នុងនោះបានបរិច្ចាគធនធានផ្ទាល់ខ្លួន ព្រមទាំងគ្រឿងបរិក្ខាមួយចំនួនជូនដល់លោកតានិងយាយកម្សត់ទុរគត ដើម្បីទុកដោះស្រាយជីវភាពប្រចាំថ្ងៃបន្តទៀត ។
ក្នុងសប្បុរសជនមានលោក វុីសំណាង អភិបាលខេត្តកំពង់ស្ពឺ បានជួយដល់តានិងយាយក្នុងម្នាក់ៗទទួលអង្ករ៥០គីឡូក្រាម, កន្ទេលម្នាក់១, ទឹកត្រី សុីអុីវម្នាក់១យួរ, មីខ្លាឃ្មុំម្នាក់១កេស ។ ព្រះភិក្ខុសមនសាសបណ្ឌិត តោ លាស់ រ័ត្នពិសិដ្ឋ គង់នៅវត្តនន្ទមុនី សង្កាត់ស្ទឹងមានជ័យ អង្ករ២៥គីឡូ, មី១កេស,ទឹកបិរសុទ្ធ១កេស, ទឹកត្រី ទឹកសុីអុីវ១យួរ និងត្រីខកំប៉ុង២យួរ ។
ចំពោះសប្បុរសជនផ្សេងៗទៀត រួមមានលោកទ្រី វណ្ឌី ប្រធានរតនាគារខេត្តថវិកា១០០០០០រៀល, លោកសុឹម រតនៈ អភិបាលស្រុកសំរោងទង ថវិកា១០០០០០រៀល, លោកចឹក បូរិន្ទ ប្រធានមន្ទីរការងារខេត្តកំពង់ស្ពឺ ថវិកា៨០០០០រៀល, លោកឧត្តមសេនីយ៍ត្រី ជូ សារុន មេបញ្ជាការកងរាជអាវុធហត្ថខេត្តកំពង់ស្ពឺ ថវិកា២០០០០០រៀល, លោកអ៑ូ ចំរើន និងមិត្តភក្តិបំរើការនៅhongsong ប្រទេសកូរ៉េខាងត្បូងថវិកា៤០០០០០រៀល, លោកហុឹម សុខជាតិ បុគ្គលិកក្រុមហ៑ុនឯកជនភ្នំពេញថវិកា២០០០០០រៀល, មន្ត្រីនគរបាលប៉ុស្តិ៍ស្វាយរំពាថវិការ២០០០០រៀល, អ្នកយកព័ត៌មានកោះសន្តិភាពថវិកា៥០០០០រៀល, អាជីវករផ្សារត្រាំខ្នារថវិកា៨០០០០០រៀល ។
រីឯលោកយាយ យុងសះ ដែលរស់នៅម្នាក់ឯង ក៏ត្រូវបានលោកហុឹម សុខជាតិ ផ្តល់ជូនថវិកាចំនួន២០០០០០រៀល, លោកស្រីកុយ រតនា បុគ្គលិកមណ្ឌលកំសាន្តដឹឃ្វីនស៍ថវិកា១០០០០០រៀល, ទឹកផ្លែឈើ១កេស, សាប៑ូវីហ្សូម្នាក់១កញ្ចប់ ។
នៅពេលទទួលបានអំណោយទាំងនេះ លោកតានិងលោកយាយ ពិតជាមានក្តីសោមនស្សរីករាយ និងរំភើបជាខ្លាំង និងបានថ្លែងអំណរគុណយ៉ាងជ្រាលជ្រៅ ចំពោះសប្បុរសជនទាំងអស់ ដែលបានបរិច្ចាគធនធានផ្ទាល់ខ្លួនផ្តល់ដល់គាត់ទាំង២ ។ ពេលនេះ ដើម្បីទិញម្ហូបដែលឆ្ងាញ់មកពិសារនឹងគេ នាជីវិតចុងក្រោយមួយនេះ ។ លោកតាបានបួងសួងដល់វត្ថុស័ក្តិសិទ្ធិក្នុងលោក សូមមេត្តាតាមជួយថែរក្សាដល់អស់លោកអ្នកសប្បុរសទាំងអស់ សូមជួបប្រទះសេចក្តីសុខចម្រើនក្នុងក្រុមគ្រួសារគ្រប់ពេលវេលា។
សូមរំលឹកថា លោក យាយយុងសះសព្វថ្ងៃរស់នៅតែម្នាក់ឯងអាស្រ័យបងប្អូន និងញាតិជិតខាងជួយហុចបាយសំឡព្រឹកល្ងាច រស់នៅភូមិជាមួយលោកតាទួនសូត អាយុ៦៧ឆ្នាំ រស់នៅភូមិស្លែង ឃុំស្វាយរំពារស្រុកបសេដ្ឋខេត្តកំពង់ស្ពឺ ដែលមានប្រពន្ឋឈ្មោះវ៉ែន យឺនអាយុ៦៧ឆ្នាំ មានកូន៧នាក់ (ស្រី៥ ប្រុស២) ។
បច្ចុប្បន្ន បានបែកផ្ទះទៅធ្វើការរកសុីរៀងៗខ្លួនអស់ ហើយគាត់និងប្រពន្ឋរស់២នាក់ ដោយប្រពន្ធដើរសុីឈ្នួលគេ ។
ចែករំលែកព័តមាននេះ