ខេត្តព្រះសីហនុ ៖ ស្ថានីយបូមទឹកសំអុយចំនួន៤ទីតាំងគ្រោងនឹងបញ្ចប់នៅមុនរដូវចូលឆ្នាំថ្មីប្រពៃណីជាតិខាងមុខនេះ បន្ទាប់ពីការដ្ឋានទាំងបួននេះត្រូវបានចាប់ផ្តើមសាងសង់អស់រយៈពេលជាង៣ខែកន្លងមក នេះបើយោងតាមការបញ្ចាក់ពីលោក អុី សុខឡេង អភិបាលក្រុងព្រះសីហនុ ថ្លែងបញ្ជាក់ប្រាប់ការបណ្តាញសារព័ត៌មាននាព្រឹកថ្ងៃទី២២ ខែមករានេះ។…
ខេត្តព្រះសីហនុ ៖ ស្ថានីយបូមទឹកសំអុយចំនួន៤ទីតាំងគ្រោងនឹងបញ្ចប់នៅមុនរដូវចូលឆ្នាំថ្មីប្រពៃណីជាតិខាងមុខនេះ បន្ទាប់ពីការដ្ឋានទាំងបួននេះត្រូវបានចាប់ផ្តើមសាងសង់អស់រយៈពេលជាង៣ខែកន្លងមក នេះបើយោងតាមការបញ្ចាក់ពីលោក អុី សុខឡេង អភិបាលក្រុងព្រះសីហនុ ថ្លែងបញ្ជាក់ប្រាប់ការបណ្តាញសារព័ត៌មាននាព្រឹកថ្ងៃទី២២ ខែមករានេះ។
ថ្លែងក្នុងកិច្ចសម្ភាសន៍ជាមួយបណ្តាញសារព័ត៌មាន នាព្រឹកថ្ងៃទី២២ ខែមករានេះ ក្នុងឱកាសចុះពិនិត្យស្ថានីយបូមទឹកសំអុយ លោក អុី សុខឡេង អភិបាលក្រុងព្រះសីហនុ បានបញ្ជាក់អះអាងយ៉ាងច្បាស់ថា ចំពោះបាតុភាពបញ្ហាទឹកកង្វក់ហូចូលសមុទ្រ វាពិតជាបានហូរចាក់ចូលសមុទ្រយ៉ាងពិតប្រាកដ ហើយទឹកកង្វក់ទាំងនេះ វាពិតជាបានបំផ្លាញនូវធនធានធម្មជាតិ ទាំងលើផ្ទៃទឹក និង ក្រោមផ្ទៃទឹកយ៉ាងធ្ងន់ធ្ងរ ។
ប៉ុន្តែសម្រាប់រដ្ឋបាលក្រុង រដ្ឋបាលខេត្ត ក៏ដូចជារាជរដ្ឋាភិបាលកំពុងគិតគូរយ៉ាងខ្លាំង លើបញ្ហាទាំងនេះ ជាក់ស្តែងជាបញ្ហាចំពោះមុខរាជរដ្ឋាភិបាល ដែលមានក្រសួងពាក់ព័ន្ឋចំនួន៤រួមមាន លោក ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ លោក ថោង ខុន រដ្ឋមន្ត្រីក្រសួងទេសចរ លោក សាយ សំអាល់ រដ្ឋមន្ត្រីក្រសួងបរិស្ថាន និងលោក ស៊ុន ចាន់ថុល ទេសរដ្ឋមន្ត្រី និងជារដ្ឋមន្ត្រីក្រសួងសាធារណការ និងដឹកជញ្ជូន រួមជាមួយលោក យន្ត មីន អភិបាលខេត្តព្រះសីហនុ បានបើកកិច្ចប្រជុំស្វែងរកដំណោះស្រាយ សិក្សាស្រាវជ្រាវ និងបានសម្រេចកសាងស្ថានីយបូមទឹកសំអុយចំនួន៤ទីតាំង ដើម្បីបូមបន្តទៅកាន់ស្ថានីយធំ ដែលមានទំហំជាង១៦ហិកតា ដែលអាចចំរោះក្នុងមួយថ្ងៃជាង២ម៉ឺនម៉ែត្រគូប ។
លោកអភិបាលក៏បានបញ្ជាក់បន្ថែមដោយ ស្នើសុំការយោគយល់អំពីសំណាក់បងប្អូនប្រជាពលរដ្ឋ ព្រោះការធ្វើអ្វីមួយ វាទាមទាការសិក្សាស្រាវជ្រាវជាមុនសិន មុននឹងចាប់ផ្តើមសាងសង់ ហើយការសាងសង់នេះទៀតសោធ ក៏វាទាមទាពេលវេលាផងដែរ វាពុំអាចធ្វើទៅបានដូចការជប់នោះទេ ដូចនេះក្នុងនាមរដ្ឋបាលក្រុង រដ្ឋបាលខេត្ត មានតែការស្នើសុំការយោគយល់អំពីបងប្អូនប្រជាពលរដ្ឋនោះទេ។
ដោយឡែកចំពោះថវិការក្នុងសាងសង់ស្ថានីយ៏ទាំងបួននេះ រួមមានមួយចំនួនជាថវិការរបស់រាជរដ្ឋាភិបាល រួមជាមួយសប្បុរស់ជនមួយទៀតរួមមាន លោក ឧកញ៉ា លី យ៉ុង ផាត់លោក ឧកញ៉ា កុក អាន លោក ឧកញ៉ា អ៊ូ ឆាយ និងក្រុមពាណិជ្ជករជនជាតិចិនផងដែរ ៕
ចែករំលែកព័តមាននេះ