ខេត្តស្វាយរៀង ៖ ជនសង្ស័យជាជនជាតិចិនចំនួន៥៨នាក់ត្រូវបានសមត្ថកិច្ចសន្តិសុខផ្ទៃក្នុងក្រសួងមហាផ្ទៃកម្ពុជា និងសមត្ថកិច្ចចិនសហការគ្នាចាប់នៅកាស៊ីណូ៣កន្លែង ស្ថិតនៅក្នុងក្រុងបាវិត ខេត្តស្វាយរៀង កាលពីថ្ងៃទី២១ ខែមករា ឆ្នាំ២០១៩ សង្ស័យចាប់ជម្រិតជនជាតិចិនដូចគ្នាតាមប្រព័ន្ធអនឡាញ ដោយយកទីតាំងកាស៊ីណូក្រុងបាវិតធ្វើជាកន្លែងចាប់ជម្រិត ។
ជនជាតិចិនទាំង៥៨នាក់ ត្រូវសមត្ថកិច្ចបង្ហើបឲ្យដឹងថា មានពាក់ព័ន្ធនឹងករណីចាប់ជំរិតតាមប្រព័ន្ធអនឡាញ ដោយជនជាតិចិនទាំង៥៨នាក់នេះត្រូវបានចាប់ពីកាស៊ីណូចំនួន៣កន្លែងគឺទី១-កាស៊ីណូ ថៃថាក់ឃីង, ទី២-កាស៊ីណូ ឡឺម៉ាកាវ និងទី៣-កាស៊ីណូ ឃីងក្រោនបាវិត ។
ការចាប់ជនជាតិចិនទាំង៥៨នាក់នេះ គឺធ្វើឡើងក្រោមកម្លាំងសន្តិសុខផ្ទៃក្នុងរបស់ក្រសួងមហាផ្ទៃផ្ទាល់ សហការជាមួយព្រះរាជអាជ្ញាអមសាលាដំបូងខេត្តស្វាយរៀង ហើយបច្ចុប្បន្នជនជាតិចិនទាំង៥៨នាក់នោះត្រូវបានបញ្ជូនទៅកាន់នាយកដ្ឋានអន្តោប្រវេសន៍ នៃក្រសួងមហាផ្ទៃហើយ ៕
ចែករំលែកព័តមាននេះ