រាជធានីភ្នំពេញ ៖ លោកស្រី ងិន ចន្ទ្រា អគ្គនាយករងរដ្ឋាករទឹកស្វយ័តក្រុងភ្នំពេញកាលពីថ្ងៃទី១៧ ខែមករា ឆ្នាំ២០១៩ បានដឹកនាំក្រុមការងារចុះជួបប្រជុំផ្សព្វផ្សាយ និងទទួលប្រាក់ថ្លៃតបណ្ដាញទឹកស្អាតជូនប្រជាពលរដ្ឋរស់នៅផ្លូវ ២១៧ ភូមិរលួស សង្កាត់ជើងឯក ខណ្ឌដង្កោ រាជធានីភ្នំពេញ។
បណ្ដាញទឹកស្អាតបានចំនួន៩១/៣៨៩បណ្ដាញ ក្នុងនោះរួមមាន ឧបត្ថម្ភធនធាន៣០% ចំនួន០២គ្រួសារ ឧបត្ថម្ភធនធាន៥០% ចំនួន២៤គ្រួសារ (ស្ត្រីមេម៉ាយ០២, ចាស់ជរា ០១) ឧបត្ថម្ភធនធាន៧០% ចំនួន០១គ្រួសារ (ស្ត្រីម៉េម៉ាយ០១) ឧបត្ថម្ភធនធាន១០០% ចំនួន០៦គ្រួសារ (ស្ត្រីម៉េម៉ាយ៦) បង់តាមតម្លៃគោលការណ៍ចំនួន៣៥៦គ្រួសារ ។
លោកស្រី ងិន ចន្ទ្រា អគ្គនាយករងរដ្ឋាករទឹកស្វយ័តរាជធានីភ្នំពេញបានថ្លែងថា ក្នុងរាជធានី ភ្នំពេញភាគច្រើនលើសលុបទទួលបានការតបណ្តាញទឹកស្អាត សម្រាប់ប្រើប្រាស់ និង បំពេញសេចក្តីត្រូវការរបស់ពួកគាត់បើទោះបីជាតំបន់មួយចំនួនសម្ពាធទឹកនៅទាបថយចុះក៏ ដោយ ប៉ុន្តែនៅតែខិតខំដោះស្រាយ និងសម្រួលជូនពួកគាត់អាចប្រើប្រាស់បាន ៕
ចែករំលែកព័តមាននេះ