រាជធានីភ្នំពេញ ៖ មន្ត្រីជាន់ខ្ពស់ និងជាអ្នកនាំពាក្យគណបក្សប្រជាជនកម្ពុជាលោក សុខ ឥសាន បានហៅការរៀបត្រៀមក្បួនឲ្យលោក សម រង្ស៊ី ចូលមកស្រុកវិញរបស់ថ្នាក់ដឹកនាំប ក្សប្រឆាំំង គឺជាការគោះទឹកបង្អើលត្រី និងចង់ស្ទង់កម្លាំងអ្នកគាំទ្រខ្លួនតែប៉ុណ្ណោះ ។
ការលើកឡើងរបស់អ្នកនាំពាក្យគណបក្សកាន់អំណាចនេះ បន្ទាប់ពីអតីតថ្នាក់ដឹកនាំគណបក្សសង្គ្រោះជាតិនៅសហរដ្ឋអាមេរិកបានបើកកិច្ចប្រជុំគណៈកម្មាធិការអចិន្ត្រៃយ៍ដោយបានដាក់ចេញគោលការណ៍ជាយុទ្ធសាស្ត្រមួយចំនួនក្នុងត្រៀមឲ្យលោក សម រង្ស៊ី ចូលស្រុកខ្មែរនៅពេលខាងមុខនេះ ។
យ៉ាងណាក្តីការដាក់ចេញយុទ្ធសាស្ត្រនេះ ត្រូវបានលោក សុខ ឥសាន បានបញ្ជាក់ឲ្យដឹងនៅថ្ងៃទី២២ មករា យ៉ាងដូច្នេះថា « ខ្លឹមសារប្រជុំដែលហៅថា ថ្នាក់ដឹកនាំបក្សខ្មោច គ្រាន់តែជាការគោះទឹកបង្អើលត្រីបុណ្ណោះ ។ ការប្រកាសពីការប្រជុំនេះអាចជា ការវាស់ស្ទង់មើលប្រតិកម្មពីកម្លាំងមហាជន តើមានការគាំទ្រកម្រិតណា ? នេះជាការវាស់ស្ទង់ប៉ុណ្ណោះតាមពិតទណ្ឌិត សម រង្ស៊ី មិនមកទេ» ។
អ្នកនាំពាក្យបានបន្តថា ជាទម្លាប់អតីតបក្សប្រឆាំងតែងតែដាក់ផែនការដែលមើលទៅដូចជាហ៊ឹកហ៊ាក់សម្បើមណាស់ តែនៅទីបំផុតទៅ គឺខ្សុយអត់បានការ ។ ឥឡូវនេះមានផែនការទៀតហើយជាផែនការដែលមិនបានការ ។ មិនបានការ ពីព្រោះគ្មានទណ្ឌិត សម រង្ស៊ី ណានឹងមកចូលកម្ពុជានោះទេ ។ លោកបញ្ជាក់ថា «ទណ្ឌិត សម រង្ស៊ី ជាមនុស្សកំសាកដែលមិនហ៊ានមកចូលប្រទេសកម្ពុជាឡើយ ទោះបីបានប្រកាសច្រើនដងក៏ទណ្ឌិតនេះមិនហ៊ានអើតក្បាលចូលមកស្រុកខ្មែរជាដាច់ខាត ដោយសារមានឧទាហរណ៍ច្រើនដងមកហើយ ជាភ័ស្តុតាងស្រាប់» ។
ទាក់ទិននឹងការចូលស្រុករបស់អតីតមេបក្សប្រឆាំងនេះត្រូវបានអ្នកនាំពាក្យបក្សកាន់អំណាចបានអះអាងថា រាជរដ្ឋាភិបាលកម្ពុជាបានត្រៀមលក្ខណៈរួចជាស្រេចក្នុងការរង់ចាំស្វាគមន៍ទណ្ឌិត សម រង្ស៊ី នៅពេលឃើញទណ្ឌិតរូបនេះមានមុខនៅកម្ពុជា ។ ដូច្នេះដោយសារទណ្ឌិត សម រង្ស៊ី ជាមនុស្សកំសាកពិតជាមិនហ៊ានអើតក្បាលចូលមកកម្ពុជាឡើយ ដែលធ្វើឲ្យការ ដាក់ផែនការប្រែទៅជាផែនស្ករទៅវិញ » ។ ជាមួយគ្នានោះដែរ លោកសុខ សាន ក៏បានយ៉ាងដូច្នេះថា ផ្ទុយទៅវិញ បើសិនជាសម រង្ស៊ី មកមែននោះអាចនឹងមានអ្នកមួយចំនួនទៅគាំទ្រទទួលដែរ តែយ៉ាងណាសមត្ថកិច្ចនឹងមានវិធានការណ៍តាមដីកាចាប់ខ្លួនដែលនៅជាធរមាន ហើយកម្លាំងគាំទ្រស៊ី ភី ភី នឹងអាចចេញ ដើម្បីទប់ទល់ បើសិនជាមានអំពើអនាធិបតេយ្យកើតឡើង ។
តែយ៉ាងណាកម្លាំងគាំទ្រ សម រង្ស៊ី មិនច្រើនដូចលើកមុនទេ សមត្ថកិច្ចអាចគ្រប់គ្រងបាន ។ សមត្ថកិច្ចលោកមានពិសោធន៍ ហើយមិនអាចបណ្តែតបណ្តោយឲ្យមានទំហ៊ំធំទេ គឺប្រាកដជាមាន១ដាក់១ មាន២ដាក់២ហើយ ។ ចំពោះការប្រកាសចូលរួមស្រុករបស់លោក សម រង្ស៊ី រហូតប្រើយុទ្ធសាស្ត្រនេះ ត្រូវបានអ្នកវិភាគស្ថានការណ៍សង្គម និងនយោបាយនៅសហរដ្ឋមេរិក លោក សុខ សុគន្ធ ហៅជេម សុខ គឺក្បួនថ្មីរបស់លោក សម រង្ស៊ី ដោយយកមនុស្សមករងគ្រោះជំនួស ។
លោកបន្តថា គេបានដឹងសាវតាររួចហើយថា លោកសម រង្ស៊ី ពូកែប្រើមនុស្សឲ្យចេញមុខរងគ្រោះជំនួសគាត់ ។ ផែនការប្រុងវិលមកកម្ពុជាវិញលើកនេះក៏មិនខុសគ្នាដែរ គឺលោក សម រង្ស៊ី ប្រើមនុស្សឲ្យចេញមុខជល់នឹងរាជការ ដើម្បីគោលដៅនយោបាយរបស់គាត់ ។ លើកនេះប្រហែលលោកសម រង្ស៊ី ប្រុងកេណ្ឌបរទេសពីរបីនាក់ឲ្យជួយដង្ហែគាត់វិលមកកម្ពុជាទេដឹង0x017d7 ប្រសិនក្លាយ ជាការពិត តើរាជការប្រតិកម្មដូចម្ដេច0x017d7 ។
សូមជម្រាបថា កាលពីថ្ងៃទី២១ មករា គណៈអចិន្ត្រៃយ៍គណបក្សសង្គ្រោះជាតិនៅក្រៅ ប្រទេសបានសម្តេចរៀបចំក្បួន ដើម្បីរៀបចំដំណើរវិលចូលស្រុករបស់លោក សម រង្ស៊ី មានចំ នួន៥ចំណុចរួមមានទី១- រៀបចំកម្លាំង ដើម្បីត្រៀមទទួលលោក សម រង្ស៊ី ចូលស្រុកវិញ ។ ទី២- ពង្រីកសកម្មភាពការទូតច ។ទី៣-ពង្រឹង និងពង្រីក ការផ្សព្វផ្សាយព័ត៌មានក្រោមការគ្រប់របបហ៊ុន សែន ។ ទី៤ – ធ្វើទំនាក់ទំនងជាមួយអ្នកប្រជាធិបតេយ្យជាមួយគណបក្សសង្គ្រោះជាតិ ដើម្បីធ្វើផ្លាស់ប្តូរជាវិជ្ជាមាននៅឆ្នាំ២០១៩នេះ ។ ទី៥- រៀបចំថវិកាសម្រាប់ការវិលចូលរបស់លោកសម រង្ស៊ី»៕
ចែករំលែកព័តមាននេះ