ករណីដូចគ្នា ខារ៉ាអូខេ «PRO KTV PRO»បិទ តែ ROCK នៅដដែល?
- ភ្នំពេញ
រាជធានីភ្នំពេញ ៖ ខារ៉ាអូខេឈ្មោះ «PRO KTV PRO» ត្រូវបានបិទ តែមណ្ឌលកម្សាន្ត «ROCK» នៅតែបើកយ៉ាងពេញទំហឹងដដែល…
រាជធានីភ្នំពេញ ៖ ខារ៉ាអូខេឈ្មោះ «PRO KTV PRO» ត្រូវបានបិទ តែមណ្ឌលកម្សាន្ត «ROCK» នៅតែបើកយ៉ាងពេញទំហឹងដដែល…
រាជធានីភ្នំពេញ ៖ ខារ៉ាអូខេឈ្មោះ «PRO KTV PRO» ត្រូវបានបិទ តែមណ្ឌលកម្សាន្ត «ROCK» នៅតែបើកយ៉ាងពេញទំហឹងដដែល ថ្វីបើកម្លាំងមានសមត្ថកិច្ចធ្លាប់បានចុះបង្ក្រាបគ្រឿងញៀនជាច្រើនលើកច្រើនសារមកហើយក្តី ។
ការបិទហាងខារ៉ាអូខេ «PRO KTV PRO» នេះដែរប្រជាពលរដ្ឋមួយចំនួនក៏បានលើកឡើងពាក់ព័ន្ធទៅនឹងមណ្ឌលកម្សាន្តរ៉ក់ «ROCK» ដែលមានទីតាំងនៅទល់មុខគ្នា ហើយកម្លាំងមានសមត្ថកិច្ចក៏ធ្លាប់បានចុះបង្ក្រាបគ្រឿងញៀននៅក្នុងនោះជាច្រើនលើកច្រើនសារកន្លងមកហើយផងដែរ តែនៅតែបើកដំណើរការយ៉ាងពេញទំហឹងដដែល ។
ពាក់ព័ន្ធទៅនឹងការចុះបិទហាងខារ៉ាអូខេយីហោ «PRO KTV PRO» ខាងលើនេះដែរ ប្រជាពលរដ្ឋរស់នៅក្នុងមូលដ្ឋានជាច្រើនក៏បានសុំអោយកម្លាំងមានសមត្ថកិច្ចជួយមើលមណ្ឌលកម្សាន្តរ៉ក់ «ROCK» ជាកន្លែងកម្សាន្តដ៏ធំមួយដែលមានទីតាំងនៅតាមបណ្តោយផ្លូវព្រះមុនីវង្ស ក្នុងសង្កាត់ទន្លេបាសាក់ ខណ្ឌចំការមន ទល់មុខគ្នានេះផង។
ដោយក្នុងមណ្ឌលកម្សាន្ត «ROCK» នេះក៏មិនខុសពីហាងខារ៉ាអូខេ «PRO KTV PRO» ដែលត្រូវបានកម្លាំងសមត្ថកិច្ចចុះបិទនាពេលនេះផងដែរ ដោយកាលពីវេលាម៉ោង២និង៣០នាទីយប់ឈានចូលថ្ងៃទី១៩ ខែធ្នូ ឆ្នាំ២០១៨ កន្លងមកថ្មីៗនេះ កម្លាំងរបស់មន្ទីរប្រឆាំងគ្រឿងញៀនក៏ ធ្លាប់បានចុះបង្ក្រាបគ្រឿងញៀននៅក្នុងមណ្ឌលកម្សាន្ត«ROCK»ដោយធ្វើការចាប់ឃាត់ខ្លួនឌីជេ ឡាយ អិន និងបក្សពួកចំនួន៣នាក់ទៀត រួមទាំងថ្នាំញៀនដែលមានទម្ងន់ជាង១គីឡូក្រាម អាវុធខ្លីចំនួន១ដើម រួមទាំងវត្ថុតាងមួយចំនួនធំទៀតផងដែរ ។
រហូតមកទល់នឹងពេលនេះទីតាំងកម្សាន្ត «ROCK» នៅតែបើកដំណើរការយ៉ាងពេញទំហឹងដដែល មិនមានសមត្ថកិច្ចណាចុះបិទដូចជាហាងខារ៉ាអូខេ «PRO KTV PRO» នោះឡើយ ដោយកាលពីពេលមុនក៏ធ្លាប់មានករណីពាក់ព័ន្ធនឹងគ្រឿងញៀន ហើយធ្លាប់មានការបាញ់ប្រហារគ្នា និងរឿងផ្សេងៗយ៉ាងច្រើនរាប់មិនអស់នាពេលកន្លងមក ។
សូមរំលឹកផងដែរថា កាលវេលាម៉ោង១២និង១៥នាទីរំលងអធ្រាត្រឈានចូលថ្ងៃទី១៩ ខែមករា ឆ្នាំ២០១៩ កម្លាំងនគរបាលការិយាល័យទី៣ និងទី៨ នៃមន្ទីរប្រឆាំងគ្រឿងញៀនក្រសួងមហាផ្ទៃបានឆ្មក់ចូលបង្ក្រាបទីតាំងខារ៉ាអូខេ«PRO KTV PRO»មួយកន្លែងដែលពោរពេញទៅដោយក្រុមប្រើប្រាស់ ចែកចាយ និងជួញដូរគ្រឿងញៀន និងឃាត់ខ្លួនមនុស្សប្រុសស្រីចំនួន៥៨នាក់ ៕
ចុចអាន ៖ មិននឹកស្មាននៅខារ៉ាអូខេ«ប្រូ»ពោរពេញដោយបទល្មើសនៅខាងក្នុង…
ចែករំលែកព័តមាននេះ