ដល់.ក ! ពេលចុះល្បាតយប់ទើបដឹងថាសម្បូរ
- ប៉ៃលិន
ខេត្តប៉ៃលិន ៖ អាជ្ញាធរខេត្តប៉ៃលិនដឹកនាំដោយលោក ចេង ញ៉ាន់ អភិបាលរងខេត្តបានដឹកនាំបញ្ជាលោកឧត្ដមសេនីយ៍ត្រី ស៊ិន សុភាលក្ម្សី ស្នងការរងទទួលផែនអគ្គីភ័យ និងអាវុធជាតិផ្ទុះ…
ខេត្តប៉ៃលិន ៖ អាជ្ញាធរខេត្តប៉ៃលិនដឹកនាំដោយលោក ចេង ញ៉ាន់ អភិបាលរងខេត្តបានដឹកនាំបញ្ជាលោកឧត្ដមសេនីយ៍ត្រី ស៊ិន សុភាលក្ម្សី ស្នងការរងទទួលផែនអគ្គីភ័យ និងអាវុធជាតិផ្ទុះ…
ខេត្តប៉ៃលិន ៖ អាជ្ញាធរខេត្តប៉ៃលិនដឹកនាំដោយលោក ចេង ញ៉ាន់ អភិបាលរងខេត្តបានដឹកនាំបញ្ជាលោកឧត្ដមសេនីយ៍ត្រី ស៊ិន សុភាលក្ម្សី ស្នងការរងទទួលផែនអគ្គីភ័យ និងអាវុធជាតិផ្ទុះ រួមជាមួយកម្លាំងសមត្ថកិច្ចចម្រុះជាច្រើននាក់ចុះត្រួតពិនិត្យអាវុធជាតិផ្ទុះ និងសារធាតុញៀនដើម្បីរក្សាសន្តិសុខ សណ្តាប់ធ្នាប់ និងសុវត្ថិភាពជូនសង្គម ។
ហេតុការណ៍នេះបានធ្វើឡើងកាលពីវេលាម៉ោង៨និង៣០នាទីយប់ ថ្ងៃទី២០ ខែមករា ឆ្នាំ២០១៩ ស្ថិតនៅបណ្តោយផ្លូវ ជាតិលេខ៥៧ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ប្រភពព័ត៌មានពីនគរបាលបានឱ្យដឹងថា កម្លាំងសហការរួមមាន ៖ ផែនអគ្គីភ័យ និងអាវុធជាតិផ្ទុះ០៦នាក់, ផែនប្រឆាំងបទល្មើសចំនួន០៨នាក់, ផែនសណ្តាប់ធ្នាប់ចំនួន០៨នាក់, ព្រហ្មទណ្ឌ០៦នាក់, ការិយាល័យផ្សព្វផ្សាយអប់រំ០១នាក់, កងរាជអាវុធហត្ថ២០នាក់, អធិការនគរបាលស្រុកសាលាក្រៅ០៨នាក់ និងប្រជាការពារភូមិ០៨នាក់ ។
ប្រភពបន្តទៀតថា កិច្ចសហប្រតិបត្តិការនេះកម្លាំងជំនាញបានត្រួតពិនិត្យទៅលើរថយន្តចំនួន៣៧គ្រឿង និងម៉ូតូចំនួន៧៥គ្រឿង ដោយបានដកហូតចំនួន០២គ្រឿង ។
ប្រភពបញ្ជាក់ថា ក្នុងនោះកម្លាំងជំនាញការិយាល័យប្រឆាំងបទល្មើសគ្រឿងញៀនបានធ្វើការត្រួតពិនិត្យសារធាតុញៀនទៅលើអ្នកធ្វើដំណើរចំនួន៤៨នាក់ដែលជាមុខសញ្ញា និងឃាត់ខ្លួនជនសង្ស័យបានចំនួន០៦នាក់ក្រោយធ្វើការត្រួតពិនិត្យ ស្រាប់តែឃើញមានសារធាតុញៀន ។
ពាក់ព័ន្ធនឹងបញ្ហានេះបច្ចុប្បន្នជនសង្ស័យទាំងអស់រួមជាមួយវត្ថុតាងត្រូវបញ្ជូនទៅស្នងការដ្ឋាននគរបាលខេត្តប៉ៃលិនដើម្បីចាត់ការតាមនីតិវិធី ៕
ចែករំលែកព័តមាននេះ