រាជធានីភ្នំពេញ ៖ អតីតអ្នកគាំទ្រគណបក្សសង្គ្រោះជាតិប្រចាំនៅសហរដ្ឋអាមេរិកបាន ប្រកាសបដិសេធន៍ចំពោះការសម្រេចទាំងឡាយណា ដែលចេញដោយលោក សម រង្ស៊ី អតីត ប្រធានគណបក្សសង្គ្រោះជាតិ ។
ការប្រកាសនេះបន្ទាប់ពីក្រុមលោក សម រង្ស៊ី បានបើកិច្ចប្រជុំគណៈកម្មាធិការអចិន្ត្រៃយ៍មួយនៅសហអាមេរិកដោយមានអតីតថ្នាក់ដឹកនាំគណបក្សសង្គ្រោះជាតិដែលគាំទ្រលោក សម រង្ស៊ី ប្រមាណជាង២០នាក់ នៅថ្ងៃទី២១ មករានេះ ។
យោងតាមសេចក្តីសេចក្តីថ្លែងការណ៍របស់គណបក្សសង្គ្រោះជាតិ CNRP-USA ដែលគោរពតាមគោលការណ៍របស់អតីតគណបក្សសង្គ្រោះជាតិដែលដឹកនាំដោយលោក កឹម សុខា បាន ចេញផ្សាយ នៅថ្ងៃទី២១ មករានេះ បានបញ្ជាក់យ៉ាងដូច្នេះថា «រាល់ការសម្រេចទាំងឡា យណា» ក្រោមការដឹកនាំរបស់លោក សម រង្ស៊ី ប្រធានស្តីទីក្លែងក្លាយមិនអាចយកជាការបានឡើយព្រោះ វាគ្រាន់តែជាការសម្រេចរបស់ក្រុមលោក សម រង្សី តែប៉ុណ្ណោះមិនឆ្លុះបញ្ចាំង និងមិនមែនជាការសម្រេចរបស់គណបក្សសង្គ្រោះជាតិឡើយ ។
ថ្លែងការណ៍បានលើកឡើងថា សូមបញ្ជាក់ជាថ្មីថា លោក សម រង្ស៊ី មិនមែនជាប្រធានគណបក្ស ឬជាប្រធានស្តីទីដែលទទួលបានការផ្ទេរសិទ្ធិពីប្រធានបក្សលោក កឹម សុខា ឡើយ ។ ផ្ទុយទៅវិញប្រធានស្តីទីក្លែងក្លាយលោក សម រង្ស៊ី គឺកើតចេញពីបក្សប្រហារលើកបន្តុបខ្លួនឯ ងដោយផ្ទុយពីស្មារតី និងគោលការណ៍របស់គណបក្សសង្គ្រោះជាតិព្រមទាំងលោក កឹម សុខា ប្រធានគណបក្សសង្គ្រោះជាតិ មិនបានទទួលស្គាល់ទៀតផង ។
គណបក្សសង្គ្រោះជាតិប្រចាំនៅសហរដ្ឋអាមេរិក (CNRP-USA) យល់ឃើញថា ទោះបីក្រុមនេះឆ្លេឆ្លាដោយម្តងធ្វើនេះម្តងធ្វើនោះបង្កើតតែព្រឹត្តិការណ៍អត់បានការ ហើយម្តងប្រើប្រាស់ ម្តងមិនប្រើប្រាស់យន្តការគណបក្សដូចជា គណៈកម្មាធិការអចិន្ត្រៃយ៍គណបក្សជាដើម គឺដើម្បីធ្វើជាឡប់ឡែបោកប្រាស់បំភាន់ភ្នែកសាធារណៈជនតែប៉ុណ្ណោះ ។
សូមរឮកថា ការប្រកាសបដិសេធន៍នេះ ខណៈដែលលោក កឹម សុខា អីតប្រឆានគណបក្សសង្គ្រោះជាតិធ្លាប់បានប្រកាសជំហរយ៉ាងដូច្នេះថា «ខ្ញុំ កឹម សុខា ជួបពិភាក្សាជាមួយមេធាវីរបស់ខ្ញុំ ខ្ញុំមានសិទ្ធិឲ្យមេធាវីរបស់ខ្ញុំនាំពាក្យ និងបង្ហាញពីឆន្ទៈខ្ញុំដែលជាកូនក្តី ជាផ្លូវការស្របតាមបញ្ញត្តិច្បាប់» ។ ជាការកត់សម្គាល់ទោះបីជា លោក កឹម សុខា បានបញ្ជាក់ជំហរយ៉ាងណាក្តី លោក សម រង្ស៊ី នៅតែស្រែកពីក្រៅប្រទេសថា មិនទទួលស្គាល់នាំពាក្យរបស់មេធាវីលោក កឹម សុខា នោះទេ ។ លោកថាមេធាវីការពារឲ្យកឹម សុខា សុទ្ធតែស្ថិតនៅក្រោមគំនាបរាជរដ្ឋាភិបាលកម្ពុជា៕
ចែករំលែកព័តមាននេះ